Եթե Սյունիքում զորքը հետ չքաշվեր՝ 5000 զոհ էր լինելու, այ, այ դավաճան, պարզ ա

Նոյեմբեր 19, 2026

Քանի որ երեկվանից ակտիվացել են քննարկումները Սյունիքից զորքը հետ քաշել-չքաշելու՝ Նիկոլ Փաշինյանի հրաման տալու թեմայի շուրջ, Կառավարության նիստից հետո հրավիրված ճեպազրույցում լրագրողները Նիկոլ Փաշինյանին հիշեցրել են 2021 թվականի հոկտեմբերին ԱԺ-ում նրա ելութը:

«Իմ նախկին ասածի մեջ Սյունիք բառ կա»,- արձագանքել է Փաշինյանը:

Հակադարձմանը, որ հարցը Սյունիքի մասին է եղել, այնտեղից զորքի հետքաշման, Փաշինյանն արդարացել է.

«Ժողովուրդ, Սյունիքն ունի կոնկրետ սահմաններ, հիմա մենք կարանք ասենք, որ Սյունիքի սահմանն անցնում է Կասպից ծովի կենտրոնով: Եվ կան ՀՀ-ում քաղաքական ուժեր, որ այդպես են ասում: Սյունիքն ինձ համար շատ կոնկրետ հասկացություն է: Էլ չեն ասում՝ Սանասար, Կովսական, Սյունիքը կոնկրետ հասկացություն է: Ես ՀՀ որևէ ինքնիշխան տարածքից զորք հետ քաշելու հրաման երբեք չեմ տվել: Ձայնագրությունը միացնում եք և դատապարտող հայացքով՝ տեսեք, ինչ էր ասում էն ժամանակ, ինչ է ասում հիմա, սենց լկտիություն կլինի՞: Որտե՞ղ եմ ես այդտեղ Սյունիք բառն արտասանել, Սյունիքն ունի կոնկրետ քարտեզ: էդ զորքը հետ է քաշվել Վաղարշակ Հարությունյանին իմ կողմից տրված հրամանով և կանգնել է Սյունիքի սահմանի վրա: Էդ զորքը եղել է Սյունիքի սահմանից առաջ, հետ է քաշվել: Եվ գիտե՞ք ինչի համար է քաշվել, որովհետև եթե հետ չքաշվեր, Ձեր և մյուսների ցանկացած 5000 զոհն էր լինելու և ոչ թե 3000….(զոհերի կոնկրետ թիվը չհիշեց.- Մ.Պ.)»:

Կարդացեք նաև

  • Վաղուց հասունացել է պահը՝ արցախցի զինվորականները որևէ խոսք ասեն. Նիկոլ Փաշինյան, հրապարակիր պատերազմից «թռածների» անվանացանկը
  • Առռը հա ինքնիշխանություն. Փաշինյանն ԱՄՆ-ից և Եվրամիությունից պետք է թույլտվություն հարցնի՝ կարելի՞ է Հայաստանում Իրանի հետ նավթավերամշակման գործարան կառուցել
  • Բա դուք խի՞ եք սաղ, ձեր թրաշն ավելի թանկ ա, քան մարդու կյա՞նքը. լրագրողը՝ Փաշինյանին

Դիտարկմանը՝ Սև լիճը մտնո՞ւմ է Սյունիքի մեջ, Փաշինյանը պնդել է.

«Սև լճից  հետ քաշվելու հրաման երբեք չեմ տվել»:

Հարցից, որ պիտի 44-օրյան կանգնեցներ, Փաշինյանը վրդովվել է.

«Էս դեպքում կանգնեցրել եմ, այ, այ, այ դավաճան, էն դեպքում էլ չեմ կանգնեցրել պատերազմը, այ, այ, այ դավաճան: Մի հատ կողմնորոշվեք՝ ես պիտի՞ կանգնացնեի, թե՞ չպիտի կանգնացնեի»;

Մանրամասները՝ տեսանյութում




—

Disclaimer: This article was contributed and translated into English by Baghdasarian Karlen. While we strive for quality, the views and accuracy of the content remain the responsibility of the contributor. Please verify all facts independently before reposting or citing.

Direct link to this article: https://www.armenianclub.com/2026/11/20/%d5%a5%d5%a9%d5%a5-%d5%bd%d5%b5%d5%b8%d6%82%d5%b6%d5%ab%d6%84%d5%b8%d6%82%d5%b4-%d5%a6%d5%b8%d6%80%d6%84%d5%a8-%d5%b0%d5%a5%d5%bf-%d5%b9%d6%84%d5%a1%d5%b7%d5%be%d5%a5%d6%80%d5%9d-5000-%d5%a6%d5%b8/

Leave a Reply