Նոյեմբեր 19, 2026
«Նոր ծրագիրը մեծ հաճույքով կիրականացնենք, եթե սանկցիոն վտանգ չլինի սանկցիաների շրջանակում: Մենք հիմա դիտարկում ու քննարկում ենք դա: Նավթազտարանի տեխնոլոգիան մենք հիմա չունենք, պետք է գնանք, որևէ տեղից բերենք, և դրա հետ կապված՝ նախորդիվ քննարկումներ են եղել՝ 2023-2024թթ.: Մենք գնացել, ասել ենք՝ ուզում ենք ձեռք բերենք նավթազտարան, հոսքագիծն ենք ուզում:
Ասել են՝ ինչի՞ համար, ասել ենք՝ նավթավերամշակման գործարան ենք ուզում ունենանք մեր երկրում, ասել են՝ իսկ նավթ որտեղի՞ց եք ձեռք բերելու, ասել ենք՝ Իրանի Իսլամական Հանրապետությունից: Մեզ ասել են՝ չենք կարող վաճառել, որովհետև իրենք՝ այդ հոսքագծերը արտադրողները, սանկցիայի տակ կընկնեն էդ պարագայում»,- ի պատասխան «Շանթ» հեռուստաընկերության լրագրողի հարցի, թե ինչ կարող է ասել այն մասին, որ իրանական մամուլը գրում է, թե Հայաստանում դիտարկվում է նավթավերամշակման գործարան կառուցելու ծրագիրը, ասաց Նիկոլ Փաշինյանը:
Նրա խոսքով՝ այս հարցով Իրանի հետ ըմբռնում կա, բայց հարցը պետք է քննարկել ԱՄՆ-ի և Եվրամիության հետ՝ իրենք տեսնո՞ւմ են հնարավորություն, որ սանկցիոն պրոբլեմ չլինի, և եթե իրենք կասեն՝ այո՛, մեծ հաճույքով ծրագիրը կիրականացվի:
Ամեն օր ինքնիշխանության մասին լոլոներ կարդացող Նիկոլ Փաշինյանը, փաստորեն, ԱՄՆ-ից և Եվրամիությունից պետք է թույլտվություն խնդրի՝ Իրանի հետ Հայաստանում նավթավերամշակման գործարան կառուցել, թե՞ ոչ:
—
Disclaimer: This article was contributed and translated into English by Jirair Kafian. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/11/20/%d5%a1%d5%bc%d5%bc%d5%a8-%d5%b0%d5%a1-%d5%ab%d5%b6%d6%84%d5%b6%d5%ab%d5%b7%d5%ad%d5%a1%d5%b6%d5%b8%d6%82%d5%a9%d5%b5%d5%b8%d6%82%d5%b6-%d6%83%d5%a1%d5%b7%d5%ab%d5%b6%d5%b5%d5%a1%d5%b6%d5%b6-%d5%a1/