CC: Bill Bedrossian is President of the Covenant House International

—

Hasakah Governor meets Armenian Orthodox Archbishop of Aleppo

—

The Cost of Indulging Aliyev

—

FBI Director Kash Patel engaged to an Armenian woman

—

Michigan US Senate Candidate, Mike Rogers visits the St. John Armenian Church

—

Armenia is home to bone-eating birds, 1.9m-long leopards, and the world’s onl

—

CC: Armenian community grieving ‘mentor’ and ‘family’ Benon Sevan

—

168: Վիճակը վատանում է. արտաքին առևտրի բացասական հաշվեկշիռը խորացել է ևս 1.1

Հոկտեմբեր 6, 2026

Հայաստանի տնտեսական ակտիվության աճի տեմպը նահանջել է։ Եթե 7 ամսում կազմել էր 7.7 տոկոս, 8 ամսում դարձել է 7.3 տոկոս։ Տնտեսական ակտիվության աճն օգոստոսին 0.4 տոկոսային կետով նվազել է։

Դրա վրա էական ազդեցություն է թողել հատկապես արդյունաբերությունը։

Նախորդ տարվա համեմատ, օգոստոսին արդյունաբերության մեջ անկում է արձանագրվել։ Ու սա՝ այն պարագայում, երբ ընդերքը «քանդել-ծախսելու» օպերացիան ակտիվորեն շարունակվում է։ Ընդերքի շահագործման հաշվին այս տարի բարձր աճեր են գրանցվում հանքարդյունաբերության մեջ։ Չնայած դրան, օգոստոսին արդյունաբերության արտադրանքի ծավալը 4.3 տոկոսով զիջել է նախորդ տարվա մակարդակը։

Եթե հանքարդյունաբերության բարձր աճերի պայմաններում է այսպես, պատկերացրեք, թե ի՞նչ է տեղի ունենում արդյունաբերության մյուս ճյուղերում։

Կարդացեք նաև

  • Կոլապսի վտանգը մեծանում է. «ֆեյք» արտահանումների անվան տակ Փաշինյանը փորձում է թաքցնել իրականությունը
  • Մեծամորի ԱԷԿ-ից մինչև հանքավայրեր․ Բաքուն COP17-ին փորձում է Հայաստանի դեմ օրակարգ պարտադրել
  • Այն ավելի խոցելի է դարձնում Հայաստանը, ՀՀ տարածքը դարձնում է այլ երկրների կողմից վերահսկելի, խնդիրներ է ստեղծում Իրանի հետ և ոչ միայն. Արմեն Մանվելյան

Այն, որ 8 ամիսների տվյալներով՝ արդյունաբերության մեջ դեռ աճ է գրանցվում, առաջին հերթին ընդերքի շահագործման ծավալների ավելացման արդյունք է։ Այնինչ մշակող արդյունաբերության բազմաթիվ ճյուղերում տեղի է ունենում արտադրության ծավալների նվազում։ Այդ անկումների հետևանքով էլ արդյունաբերության աճի տեմպերը գնալով նվազում են։

Մի պահ կուտակային աճը հասել էր ընդհուպ 14-15 տոկոսի։ Մի քանի ամսում գրեթե կրկնակի կրճատվեց։ Վերջին տվյալներով, 7.4 տոկոս է։ Օգոստոսի արդյունքներով կտրուկ նահանջել է՝ գրեթե 2.1 տոկոսային կետով։

Առաջին հայացքից գուցե 7.4 տոկոսն էլ կարող է բարձր աճ թվալ արդյունաբերության համար։ Բայց պետք է հիշել, որ դա տեղի է ունեցել անցած տարվա 7.8 տոկոս նվազումից հետո։

Անցած տարի այս նույն ժամանակահատվածում արդյունաբերության անկումն ավելի մեծ էր, քան այս տարվա աճը։ Աճն էլ հիմնականում հանքարդյունաբերության հաշվին է։ Չնայած այն արդյունաբերության զարգացումների հետ իրական առնչություններ չունի։

Հանքարդյունաբերությունն է դարձել ոչ միայն արդյունաբերության, այլև արտաքին առևտրի առանցքային հատվածը։ Վերջին տարիներին հումքային ապրանքների արտահանումը Հայաստանից զիջել էր առաջատարի իր դիրքերը՝ պայմանավորված հատկապես մեծածավալ վերաարտահանումներով։ Բայց այս տարի իրավիճակը կրկին փոխվել է. 8 ամսում հումքային ապրանքների արտահանումը գրեթե կրկնապատկվել է՝ հասնելով 1.3 մլրդ դոլարի։

Հայաստանից արտահանումների 27-28 տոկոսը բաժին է ընկել հենց այդ ապրանքներին։

Ու սա՝ դեռ վերաարտահանումները ներառած։ Որքան էլ Նիկոլ Փաշինյանի ասած՝ «ֆեյք» արտահանումները պակասել են, դրանք դեռ շարունակում են բավական մեծ կշիռ ունենալ Հայաստանի արտաքին առևտրի, այդ թվում՝ արտահանման ծավալներում։ Եթե դա էլ հանենք՝ հումքային ապրանքների կշիռը զուտ հայկական ծագման ապրանքների արտահանման մեջ շատ ավելի մեծ մասնաբաժին կունենա. Կարող է հասնել ընդհուպ 40 տոկոսի։ Սա խոսում է տնտեսության մեկ ճյուղից արտահանման չափազանց բարձր կախվածության ու ռիսկայնության մասին։

Բայց անգամ հանքահումքային ապրանքների արտահանման կրկնապատկման պայմաններում Հայաստանից ընդհանուր արտահանումը շարունակել է կրճատվել։ 6.5 տոկոսով ավելի քիչ արտահանումներ են իրականացվել։ Այն էլ՝ անցած տարվա նույն ժամանակահատվածի գրեթե կիսով չափ կրճատումից հետո։

Արտահանման կրճատումն ու ներմուծման ավելացումը հանգեցրել է արտաքին առևտրի վատացման. բացասական հաշվեկշիռը տարվա առաջին 8 ամիսներին անցել է 4 միլիարդ դոլարից։ Այսինքն՝ այդքանով ավելի շատ ապրանք ենք ներմուծել, քան արտահանել։ Ներմուծումը գրեթե կրկնակի գերազանցել է արտահանմանը, ինչի հետևանքով արտաքին առևտրի բացասական հաշվեկշիռը 1.1 մլրդ դոլարով խորացել է։

Անցած տարի 2.9 միլիարդ էր, այս տարի արդեն անցել է 4 միլիարդից։

Զավեշտն այն է, որ այսքանից հետո էկոնոմիկայի նախարարն իրեն իրավունք է վերապահում հրապարակումներ անել որոշ երկրներ արտահանումների «անհավանական» աճերի վերաբերյալ։ Վերջին անգամ գրել էր, թե Եվրամիության երկրներ հայկական արտադրանքի արտահանումը հունվար-օգոստոսին աճել է 69 տոկոսով, Չինաստան՝ 78 տոկոսով, Հնդկաստան՝ 2.1 անգամով, ԱՄԷ՝ 48 տոկոսով։

Այսպիսի հրապարակումներից առաջին տպավորությունն այն է, որ աշխարհի խոշորագույն շուկաներ հայկական ապրանքների արտահանումն արագորեն ընդլայնվում է։ Բայց էկոնոմիկայի նախարարն, ինչպես միշտ, թաքցնում է, թե դա ինչի՞ հաշվին է տեղի ունեցել։

Արտահանումը ԵՄ երկրներ ու Չինաստան այդպիսի բարձր տեմպերով աճել է զուտ նրա հաշվին, որ այս տարի ավելի շատ պղինձ ու մոլիբդեն են արտահանել այդ երկրներ։ Կտրուկ թանկացել են նաև այդ ապրանքները՝ գումարային արտահայտությամբ ավելացնելով արտահանման ցուցանիշները։

Եվրամիություն ու Չինաստան այս աճերը մեծամասամբ մետաղների, ապա Հնդկաստան և ԱՄԷ՝ ոսկու ու թանկարժեք քարերի արտահանման հաշվին են։ Ռուսաստանից կամ այլ երկրներից ներմուծված թանկարժեք մետաղներն ու քարերը Հայաստանում որոշակի կոսմետիկ մշակում անցկացնելուց հետո, հայկականի անվան տակ վերաարտահանվում են Հնդկաստան ու ԱՄԷ։ Այս արտահանումների մեջ հայկական մասնակցությունը շատ չնչին է, բայց այն շեշտակի ազդեցություն է թողնում այդ երկրներ արտահանման ցուցանիշների կամ վիճակագրության վրա։

Այդ վիճակագրությամբ է հպարտանում էկոնոմիկայի նախարարը։ Բայց չի ասում, որ, օրինակ՝ ԵՄ կամ Չինաստան արտահանման աճերի գործում էական դեր է ունեցել ընդերքը քանդել-ծախսելը։ Այն ընդերքը, որի մասին խոսելիս՝ ժամանակին Նիկոլ Փաշինյանն ասում էր՝ մեծ բան չէ ընդերքը քանդել-ծախսելն ու դրա հաշվին արտահանման աճեր գրանցելը։

«Մեծ բան չէ», բայց պարզվում է՝ դա էլ փրկություն չէ իշխանությունների համար։ Անգամ այդ պայմաններում ունենք արտահանման անկում. 8 ամսում՝ 6.5 տոկոսի չափով։

Զրոյին մոտ է ներքին առևտրի աճը։ Վերջին ամիսներին այստեղ երբեմն-երբեմն նույնիսկ անկումներ են գրանցվում։

Ինչ մնում է արձանագրվող տնտեսական ակտիվությանը, ապա այն մնացել է շինարարության ու ծառայությունների վրա։ Այդ աճերի տակ էլ իշխանությունները փորձում են քողարկել տնտեսության խնդիրները։ Այն պարագայում, որ երկուսի դեպքում էլ լուրջ ռիսկեր են կուտակվել ու այդ ռիսկերն առարկայանալու մեծ պոտենցիալ ունեն։  

ՀԱԿՈԲ ՔՈՉԱՐՅԱՆ




—

Ասում ենք՝ ադրբեջանցին հատել է սահմանը, ՔՊ-ից ծիծաղում են. սխալ արտահայտությո

Հոկտեմբեր 6, 2026

«Ադրբեջանցի զինվորը հատել է ՀՀ սահմանը, որի մասին մեր գործընկերների կողմից հարց տալու ժամանակ ՔՊ-ից սկսեցին ծիծաղել, և դա լարեց իրավիճակը»: Այս մասին ԱԺ ամբիոնից հայտարարեց «Ուժեղ Հայաստան» խմբակցության ղեկավար Նարեկ Կարապետյանը:

«Ադրբեջանցին հատել է սահմանը՝ 15 կմ խորք է եկել, մտել է հայկական գյուղ, մտել է մարդու տուն, մորը երեխաների ներկայությամբ կրակել է, և մայրը հրաշքով է փրկել իր երեխաներին: Գալիս ասում են՝ Ադրբեջանը տեղեկացրել է մեզ, ասում ենք՝ շատ լավ, բա հինգ օր ի՞նչ էիք անում: Հինգ օր ձեր պաշտպանության նախարարն ի՞նչ էր անում: Գիտե՞ք՝ ինչ էր անում պաշտպանության նախարարը՝ ընտրություններ էր անում, ընտրական գործընթացների էր մասնակցում:

Ձեր համակարգն այնպես է դրված, որ պաշտպանության նախարարը փոխանակ պաշտպանությամբ զբաղվի, դա քաղաքական ընտրական պաշտոն է ձեզ համար: Փոխեք էդ մարդուն, արդեն որերորդ դեպքն է՝ սպանություններ, ինքնասպանություններ են լինում բանակում:

Չի կարում էդ մարդը, չի ձգում, ինքն էլ գիտի, որ չի ձգում, դուք էլ գիտեք: Պրոֆեսիոնալ զինվորական պիտի լինի այդտեղ: Դա է հիմնական խնդիրը Հայաստանի՝ պաշտպանողականությունը: Ինքն էլ չի ձգում, չի կարում: Ու էսօրվանից մենք պետք է ֆիքսենք, որ հայ կինը չի հայոց սահմանների պաշտպանը, այլ՝ դա մեր բանակն է, մեր ԱԱԾ-ն է: Ոչ մեկը տուն չէր մտնում մինչև սա: Չէին գալիս և տեսնում՝ տունը փլավ է կերել նստած»,- շարունակեց «Ուժեղ Հայաստան»-ի ղեկավարը:

Կարդացեք նաև

  • Մարդուն ասեիք՝ գյուղում թուրք կա, որ մարդը իր տուն չմտներ. ներողություն խնդրեք, որ սահմանը ծակ է. Դավիթ Ղազինյան
  • Թուրք է մտել Հայաստան, փորձել է ընտանիք սպանել, պիտի ասեն՝ չենք հանձնելու. Նարեկ Կարապետյան
  • «Մուբարիզի սինդրոմը». ո՞վ է գլխավոր պատասխանատուն ադրբեջանցի զինվորների «այցերի» համար, ինչո՞ւ Պապիկյանն ու Հասանովն «ուղիղ կապը» չեն օգտագործում

Մանրամասները՝ տեսանյութում




—

Թուրք է մտել Հայաստան, փորձել է ընտանիք սպանել, պիտի ասեն՝ չենք հանձնելու. Նա

Հոկտեմբեր 6, 2026

«Ուժեղ Հայաստան» խմբակցության ղեկավար Նարեկ Կարապետյանը լրագրողների հետ ճեպազրույցի ժամանակ անդրադառնալով այսօր ԱԺ-ում տեղի ունեցած վիճաբանությանը, նշեց՝ թուրք է մտել Հայաստան, ՔՊ-ն շեղում է:

«Թուրք է մտել Հայաստան, մտել է ընտանիք, փորձել է սպանել ընտանիքի անդամներին, և իրենք պետք է քաղաքական գնահատական տան: Եվ իրենք պետք է ասեն, որ չեն արտահանձնելու էդ ադրբեջանցուն Ադրբեջան՝ նախորդ դեպքի պես, երբ որ էկավ և մարդ սպանելուց հետո արտահանձնվեց: Եթե ասեն, իհարկե, կասկածը մնալու է, բայց դա քաղաքական քայլ է: Մենք զգում ենք, որ իրենք ուզում են էլի տուն մտած և հայերի՝ քաղաքացիական անձանց վրա կրակած մարդուն հանձնել»,- ասաց նա:

Արդյո՞ք կարելի է նրան Բաքվում գտնվող մեր գերիների հետ փոխանակել, Նարեկ Կարապետյանը պատասխանեց, թե մեր գերիների հետ կապված կարելի է շատ քննարկումներ ունենալ:

«Այս դեպքով մեր դիրքավորումը սա է. այն մարդիկ, որոնք քաղաքացիական անձանց վրա ձեռք են բարձրացնում, զենք են պահում, պետք է ենթարկվեն պատասխանատվության, գնան ԱԱԾ պադվալ և տասնամյակներով այնտեղ մնան: ԱԱԾ պադվալը նման մարդկանց համար է, և ոչ թե հայ ազգի բարերարների և ընդդիմադիր հակառակորդների»,- շարունակեց նա՝ նշելով, որ պետք է ակտիվ որոնողական աշխատանքներ տարվեին Սյունիքում:

Կարդացեք նաև

  • Մարդուն ասեիք՝ գյուղում թուրք կա, որ մարդը իր տուն չմտներ. ներողություն խնդրեք, որ սահմանը ծակ է. Դավիթ Ղազինյան
  • Ասում ենք՝ ադրբեջանցին հատել է սահմանը, ՔՊ-ից ծիծաղում են. սխալ արտահայտություններ չանեք. Նարեկ Կարապետյան
  • ԱԱԾ-ում պաշտոնանկությունների 6-ամյա շղթան՝ Շահումյանից Սանամյան․ ի՞նչ է ակնարկում Անդրանիկ Քոչարյանը

Ինչ վերաբերում է Անդրանիկ Քոչարյանի՝ «շուն պահելու առաջարկին», Նարեկ Կարապետյանն ասաց, որ պետական համակարգ է ստեղծված, պարգևավճարներ են ստանում, հարկատուները գումար են վճարում այդքան, ամբողջ համակարգը չի կարողանում անվտանգության հարց լուծի՞, շունը պիտի լուծի՞:

Մանրամասները՝ տեսանյութում




—