Նոյեմբեր 20, 2026
«Ուժեղ Հայաստան» կուսակցության առաջնորդ Սամվել Կարապետյանն այսօր փաստացի մերժեց Նիկոլ Փաշինյանի ՝ սահմանադրական հանրաքվեի հարցով ընդդիմության հետ գործարք կնքելու առաջարկը: Նա այդ մասին ասաց իր գործով դատական նիստից առաջ` պատասխանելով լրագրողների հարցերին։
Փաշինյանն ավելի վաղ ընդդիմությանը առաջարկել էր կողմ քվեարկել սահմանադրական հանրաքվեի անցկացմանը։ Եթե հանրաքվեի արդյունքում ժողովուրդը դեմ քվեարկի, Փաշինյանը խոստանում է հրաժարական ներկայացնել, եթե կողմ քվեարկի, խոստանում է կնքել խաղաղության պայմանագիրը, ավարտին հասցնել TRIPP-ի իրականացումն ու խաղաղության ինստիտուցիոնալացման հետ կապված որոշ հարցեր և կրկին հեռանալ։ Փաշինյանը պնդում է, որ սա է իրեն հեռացնելու ճանապարհը, այլապես ինքն է հեռացնելու ընդդիմությանը։
«Առանց իր առաջարկի էլ իրեն կհեռացնենք ու շատ հեշտ։ Մենք ոչ մի առաջարկի կարիք չունենք և այսպես թե այնպես կհեռացնենք նրան»,- ասաց Կարապետյանը։
Թե ինչպես է գնահատում Փաշինյանի հռետորաբանությունը իր ու ընդհանրապես ընդդիմության հասցեին, Կարապետյանը կարճ արձագանքեց. «Բուժման կարիք ունի»։
—
Disclaimer: This article was contributed and translated into English by Tambiyan Samvel. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/11/21/%d5%a1%d5%bc%d5%a1%d5%b6%d6%81-%d5%ab%d6%80-%d5%a1%d5%bc%d5%a1%d5%bb%d5%a1%d6%80%d5%af%d5%ab-%d5%a7%d5%ac-%d5%ab%d6%80%d5%a5%d5%b6-%d5%af%d5%b0%d5%a5%d5%bc%d5%a1%d6%81%d5%b6%d5%a5%d5%b6%d6%84-%d5%a2/