Սեպտեմբեր 27, 2026
«Պրեսսինգ» հաղորդաշարում հյուրը՝ քաղաքագիտության դոկտոր, ՀՀ Ազգային ժողովի նախկին նախագահ Տիգրան Թորոսյանը, խոսեց նաև իշխանության հերթական և գլխավոր խաբեության՝ Եվրամիությանն անդամակցելու՝ Հայաստանի հնարավորության մասին։
«CEPA-ում բազմաթիվ պարտավորություններ կան ամրագրված Հայաստանի համար: Անո՞ւմ ենք դրանք, թե՞ չէ… Չկա որևէ երկիր, որ Եվրոպայի խորհրդում իր հարցերը չլուծած՝ դառնա Եվրամիության անդամ: Իսկ այդ հարցերը լուծելու համար բազմաթիվ քայլեր պետք է անել: Դատարկ խոսքերը ոչինչ չեն որոշում: Առանց աշխատելու նոր արդյունքներ չեն գրանցում: Եթե չի արվել այն, ինչ նախատեսված է առկա փաստաթղթերով, մնացածը դատարկախոսություն է»,- ասաց Տիգրան Թորոսյանը:
Վերջինս նկատեց՝ վստահ է՝ այն մարդիկ, ովքեր այսօր խոսում են ԵՄ-ին անդամակցելու մասին, իրենք էլ գիտեն, որ դա անիրական է:
«Իրականում Ադրբեջանն արտադաշինքային պետություն չէ: Նա դաշինքից էլ վեր հարաբերություններ ունի Թուրքիայի և Իսրայելի հետ: Անգամ թուրքերն են ժամանակ առ ժամանակ հայտարարում, որ Իսրայելի աջակցությունը 44-օրյա պատերազմի ժամանակ ավելին է եղել, քան թուրքերինը: Այլ հարց է, որ Ադրբեջանը, ինչպես և Թուրքիան, կայուն դաշնակցություն ոչ մեկի հետ չի ձևավորում»,- ասաց ԱԺ նախկին նախագահը:
Մանրամասները՝ տեսանյութում:
—
Disclaimer: This article was contributed and translated into English by Emil Lazarian. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/09/28/%d5%b9%d5%af%d5%a1-%d5%b8%d6%80%d6%87%d5%a7-%d5%a5%d6%80%d5%af%d5%ab%d6%80-%d5%b8%d6%80-%d5%a5%d5%be%d6%80%d5%b8%d5%ba%d5%a1%d5%b5%d5%ab-%d5%ad%d5%b8%d6%80%d5%b0%d6%80%d5%a4%d5%b8%d6%82%d5%b4-%d5%ab/
