Նոյեմբեր 10, 2026
168TV-ի «Թրիգեր» հաղորդաշարի հյուրը ռուս քաղաքագետ Սերգեյ Մարկեդոնովն է:
Հաղորդման ընթացքում քննարկվել են նոր աշխարհաքաղաքական իրողությունների ձևավորման վրա ազդող առանցքային միջազգային իրադարձություններն ու գործընթացները։
Առանձնահատուկ ուշադրություն է դարձվել ռուս-ամերիկյան հարաբերություններին և ուկրաինական հակամարտության կարգավորման հեռանկարներին՝ Աբու Դաբիում Ռուսաստանի, ԱՄՆ-ի և Ուկրաինայի մասնակցությամբ մեկնարկած եռակողմ բանակցությունների համատեքստում։
Քննարկվել են բանակցային գործընթացի հնարավոր սցենարները, ինչպես նաև ԱՄՆ ընտրությունների արդյունքներն ու դրանց ազդեցությունը Դոնալդ Թրամփի քաղաքականության վրա։
Զրույցի զգալի հատվածը նվիրվել է Հարավային Կովկասին, Թուրքիայի և Ադրբեջանի հարաբերություններին, ինչպես նաև նոյեմբերի 8-ին Ռեջեփ Թայիբ Էրդողանի՝ Բաքու կատարած այցին այն համատեքստում, թե ինչպե՞ս է զարգանում Անկարայի և Բաքվի ռազմավարական համագործակցությունը, և ի՞նչ հետևանքներ այն կարող է ունենալ տարածաշրջանում ուժերի հավասարակշռության վրա։
Տարածաշրջանային քաղաքականության համատեքստում անդրադարձ է կատարվել նաև հայ-ռուսական հարաբերություններին, պաշտոնական Երևանի արտաքին քաղաքական առաջնահերթություններին, Նիկոլ Փաշինյանի՝ Թուրքիայում անցկացվող միջազգային միջոցառումներին մասնակցությանը՝ ՀԱՊԿ գագաթնաժողովին նրա բացակայության ֆոնին, ինչպես նաև Հայաստանի և Ռուսաստանի հարաբերությունների հետագա զարգացման հեռանկարներին։
Ուշադրությունից դուրս չի մնացել նաև Հայաստանի ներքաղաքական իրավիճակը․ քննարկումներ են ծավալվել նոր Սահմանադրության հնարավոր ընդունման շուրջ, իշխանության և ընդդիմության հարաբերությունների, ինչպես նաև ընդդիմադիր ուժերի ներկայացուցիչների նկատմամբ քրեական հետապնդումների և իրավապահ մարմինների գործողությունների վերաբերյալ։
Հայկ Դերզյան
—
Disclaimer: This article was contributed and translated into English by Kalantarian Kevo. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/11/10/%d5%a5%d6%80%d5%a2-%d5%b4%d5%b8%d5%bd%d5%af%d5%be%d5%a1%d5%b5%d5%b8%d6%82%d5%b4-%d5%bf%d5%a5%d5%b2%d5%ab-%d5%b8%d6%82%d5%b6%d5%a5%d5%b6%d5%a1-%d5%b0%d5%a1%d5%ba%d5%af-%d5%a3%d5%a1%d5%a3%d5%a1%d5%a9/