Հոկտեմբեր 30, 2026
Հոկտեմբերի 16-ին Երևանում կայացած մեծանուն տենոր Գեղամ Գրիգորյանի 75-ամյակին նվիրված գալա-համերգի կազմակերպման համար ՀՀ կրթության, գիտության, մշակույթի և սպորտի նախարարությունը պետական բյուջեից հատկացրել է 10 միլիոն 800 հազար դրամ։ Այս մասին հայտնի է դառնում ԿԳՄՍ նախարարության և Ալ. Սպենդիարյանի անվան օպերայի և բալետի ազգային ակադեմիական թատրոնի միջև հոկտեմբերի 28-ին կնքված պայմանագրից։
Էլեկտրոնային գնումների համակարգում հանրայնացված փաստաթղթից տեղեկանում ենք, որ համերգի հատուկ հյուր, աշխարհահռչակ օպերային լեգենդ Պլասիդո Դոմինգոյի հրավիրման ընդհանուր հոնորարը սահմանվել է 16 միլիոն 297,200 դրամ, սակայն, համաձայն պայմանագրի, պետությունը ստանձնել է այդ գումարի միայն միայն մասի վճարումը՝ 9 միլիոն դրամ (ևս 1.8 միլիոն դրամ՝ ԱԱՀ-ի գծով)։ Թե ինչ միջոցների հաշվին է փակվել Պլասիդո Դոմինգոյի գումարի մնացած հիմնական մասը, պայմանագրում հստակեցված չէ։
Հիշեցնենք, որ հոկտեմբերի 16-ին կայացած համերգին, բացի Պլասիդո Դոմինգոյից, մասնակցել է նաև միջազգային ճանաչում ունեցող սոպրանո, Գեղամ Գրիգորյանի դուստր Հասմիկ Գրիգորյանը։ Չնայած համերգն արդեն կայացել է հոկտեմբերի 16-ին, պետական դրամաշնորհի տրամադրման իրավական ձևակերպումն ու պայմանագրի ստորագրումը տեղի է ունեցել դրանից 12 օր անց՝ հոկտեմբերի 28-ին։
—
Disclaimer: This article was contributed and translated into English by David Nargizian. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/10/31/%d5%af%d5%a3%d5%b4%d5%bd-%d5%b6%d5%a1%d5%ad%d5%a1%d6%80%d5%a1%d6%80%d5%b8%d6%82%d5%a9%d5%b5%d5%a1%d5%b6%d5%9d-10-%d5%b4%d5%ab%d5%ac%d5%ab%d5%b8%d5%b6-800-000-%d5%a4%d6%80%d5%a1%d5%b4-%d5%a4%d6%80/