Հոկտեմբեր 6, 2026
«Ադրբեջանցի զինվորը հատել է ՀՀ սահմանը, որի մասին մեր գործընկերների կողմից հարց տալու ժամանակ ՔՊ-ից սկսեցին ծիծաղել, և դա լարեց իրավիճակը»: Այս մասին ԱԺ ամբիոնից հայտարարեց «Ուժեղ Հայաստան» խմբակցության ղեկավար Նարեկ Կարապետյանը:
«Ադրբեջանցին հատել է սահմանը՝ 15 կմ խորք է եկել, մտել է հայկական գյուղ, մտել է մարդու տուն, մորը երեխաների ներկայությամբ կրակել է, և մայրը հրաշքով է փրկել իր երեխաներին: Գալիս ասում են՝ Ադրբեջանը տեղեկացրել է մեզ, ասում ենք՝ շատ լավ, բա հինգ օր ի՞նչ էիք անում: Հինգ օր ձեր պաշտպանության նախարարն ի՞նչ էր անում: Գիտե՞ք՝ ինչ էր անում պաշտպանության նախարարը՝ ընտրություններ էր անում, ընտրական գործընթացների էր մասնակցում:
Ձեր համակարգն այնպես է դրված, որ պաշտպանության նախարարը փոխանակ պաշտպանությամբ զբաղվի, դա քաղաքական ընտրական պաշտոն է ձեզ համար: Փոխեք էդ մարդուն, արդեն որերորդ դեպքն է՝ սպանություններ, ինքնասպանություններ են լինում բանակում:
Չի կարում էդ մարդը, չի ձգում, ինքն էլ գիտի, որ չի ձգում, դուք էլ գիտեք: Պրոֆեսիոնալ զինվորական պիտի լինի այդտեղ: Դա է հիմնական խնդիրը Հայաստանի՝ պաշտպանողականությունը: Ինքն էլ չի ձգում, չի կարում: Ու էսօրվանից մենք պետք է ֆիքսենք, որ հայ կինը չի հայոց սահմանների պաշտպանը, այլ՝ դա մեր բանակն է, մեր ԱԱԾ-ն է: Ոչ մեկը տուն չէր մտնում մինչև սա: Չէին գալիս և տեսնում՝ տունը փլավ է կերել նստած»,- շարունակեց «Ուժեղ Հայաստան»-ի ղեկավարը:
Մանրամասները՝ տեսանյութում
—
Disclaimer: This article was contributed and translated into English by Kalashian Nyrie. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/10/06/%d5%a1%d5%bd%d5%b8%d6%82%d5%b4-%d5%a5%d5%b6%d6%84%d5%9d-%d5%a1%d5%a4%d6%80%d5%a2%d5%a5%d5%bb%d5%a1%d5%b6%d6%81%d5%ab%d5%b6-%d5%b0%d5%a1%d5%bf%d5%a5%d5%ac-%d5%a7-%d5%bd%d5%a1%d5%b0%d5%b4%d5%a1%d5%b6/