Հնդկաստանը և Հայաստանը շարունակում են ամրապնդել պաշտպանական համագործակցությունը։ Հնդիկ զինծառայողները Հայաստանի տարածքում անմիջապես հայ զինվորականների համար անցկացնում են Akash ՀՕՊ համակարգի շահագործման մասնագիտացված պատրաստություն: Այս մասին հայտնել է Indian Defence Times-ը, գրում է News.am-ը:։
Akash համակարգով աշխատելու համար հայկական անձնակազմին ուսուցանելու նպատակով հնդիկ սպաների գործուղումը վկայում է երկու երկրների զինված ուժերի միջև օպերատիվ փոխգործակցության ընդլայնման մասին։ Պատրաստությունը ներառում է համակարգի հնարավորությունների, շահագործման ընթացակարգերի, տեխնիկական սպասարկման և տակտիկական կիրառման ուսումնասիրություն։
Akash համակարգը միջին հեռահարության շարժական զենիթահրթիռային համալիր է, որը նախատեսված է տարբեր օդային սպառնալիքներից, այդ թվում՝ ինքնաթիռներից, ուղղաթիռներից, անօդաչու թռչող սարքերից և թևավոր հրթիռներից պաշտպանվելու համար։
Վերջին տարիներին պաշտպանության ոլորտում Հնդկաստանի և Հայաստանի համագործակցությունն ընդլայնվում է և ներառում է ռազմական տեխնիկայի մատակարարումներ, զինծառայողների պատրաստություն, ռազմական փոխանակումներ և մասնագիտական ուսուցում։
Հայ սպաները ավելի վաղ պատրաստություն են անցել Հնդկաստանում։ Բացի այդ, Հայաստանը որպես դիտորդ մասնակցել է հնդկական Tarang Shakti բազմազգ ավիացիոն զորավարժություններին։
Այսպիսով, երկու երկրների փոխգործակցությունը դուրս է գալիս սպառազինության գնումների շրջանակից և ներառում է ավելի լայն ռազմատեխնիկական և օպերատիվ համագործակցություն։
—
Disclaimer: This article was contributed and translated into English by Bedik Zaminian. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/09/26/%d5%b0%d5%b6%d5%a4%d5%ab%d5%af-%d5%a6%d5%ab%d5%b6%d5%be%d5%b8%d6%80%d5%a1%d5%af%d5%a1%d5%b6%d5%b6%d5%a5%d6%80%d5%a8-%d5%b0%d5%a1%d5%b5-%d5%a6%d5%ab%d5%b6%d5%ae%d5%a1%d5%bc%d5%a1%d5%b5%d5%b8%d5%b2/