MakaryanNews-ը Azdarar.am ազդարարման համակարգից տեղեկացավ, որ Հրազդանի ցեմենտի գործարանը, որը մեկ անգամ արդեն հանվել էր աճուրդի, այժմ նորից է դրվել աճուրդի: Աճուրդը կկայանա սույն թվականի դեկտեմբերի 3-ին: Այսինքն` նախորդ աճուրդը ամբողջությամբ չեղյալ են հայտարարել և հիմա նոր աճուրդ են դրել:
«2026 թ. դեկտեմբերի 03-ին ժամը 16:00-ին «Հրազդան Ցեմենտ Քորփորեյշն» ՍՊԸ-ի սնանկության գործով կառավարիչ Ա.Խաչատրյանի կողմից ք. Երևան, Արշակունյաց 5 հասցեում 109 սենյակ կանցկացվի ՀՀ Սնանկության դատարանի թիվ ՍնԴ/1288/04/22 սնանկության գործով կայացված վճռով սնանկ ճանաչված «Հրազդան Ցեմենտ Քորփորեյշն» ՍՊԸ-ին սեփականության և վարձակալության իրավունքով իրավունքով պատկանող անշարժ և շարժական գույքերի վաճառքի ծրագրում ներառված ՝ 44 առանձին կետերով սահմանված անշարժ և շարժական գույքերի՝ մեկ միասնական լոտով աճուրդը:
«Հրազդան Ցեմենտ Քորփորեյշն» ՍՊԸ-ին սեփականության և վարձակալության իրավունքով իրավունքով պատկանող՝ 44 առանձին կետերով սահմանված անշարժ և շարժական գույքերի ընդհանուր արժեքը կազմում է 11 101 578 188,85 (տասնմեկ միլիարդ հարյուր մեկ միլիոն հինգ հարյուր յոթանասունութ հազար հարյուր ութսունութ դրամ և ութսունհինգ լումա) ՀՀ դրամ»,- նշված է հայտարարության մեջ:
Աղբյուրը հարցադրում է անում` Նարեկ Նալբանդյանը, որը մեկ անգամ փորձել է ձեռք բերել և չի հաջողվել, քանզի բանկը վերջին պահին հրաժարվել է վարկը տրամադրել, նորից կցանկանա՞ մասնակցել աճուրդին և ձեռք բերել այս խոշոր գործարանը, որը աճուրդի է դրվելու ավելի քան 11.1 մլրդ դրամով:
Մանրամասները՝ սկզբնաղբյուրում
—
Disclaimer: This article was contributed and translated into English by Talar Tumanian. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/11/14/%d5%b0%d6%80%d5%a1%d5%a6%d5%a4%d5%a1%d5%b6-%d6%81%d5%a5%d5%b4%d5%a5%d5%b6%d5%bf%d5%a8-%d5%a4%d5%a1%d6%80%d5%b1%d5%b5%d5%a1%d5%ac-%d5%a1%d5%b3%d5%b8%d6%82%d6%80%d5%a4%d5%ab-%d5%a7-%d5%b0/