Նոյեմբեր 7, 2026
ԱՄՆ-ը, Հայաստանը և Ադրբեջանը պայմանավորվել են ստեղծել տեխնիկական պլանավորման եռակողմ խմբեր՝ «Թրամփի ուղի՝ հանուն միջազգային խաղաղության և բարգավաճման» (TRIPP) նախագծի առաջմղման նպատակով։ Խմբերը կզբաղվեն տրանսպորտային հաղորդակցության և էլեկտրաէներգիայի փոխանցման հարցերով։
Այս մասին նշվում է ԱՄՆ պետքարտուղարության կայքում հրապարակված՝ երեք երկրների համատեղ հայտարարության մեջ։
Հայտարարության համաձայն՝ նախաձեռնության շրջանակում համատեղ աշխատանք կիրականացնեն երեք երկրների պետական կառույցների ներկայացուցիչներն ու տեխնիկական փորձագետները։ Ծրագրի նպատակն է նպաստել տարածաշրջանային փոխկապակցվածությանը, տնտեսական զարգացմանը, երկարաժամկետ կայունությանն ու առևտրային կապերի ընդլայնմանը։
Նշվում է, որ ստեղծվելիք առաջին երկու եռակողմ խմբերը կզբաղվեն տրանսպորտի և էլեկտրաէներգիայի հաղորդման ուղղություններով։ Նրանց աշխատանքը միտված կլինի տեխնիկական բարդ հարցերի կարգավորմանն ու նախագծի իրականացման հաջորդ փուլերին անցնելուն, այդ թվում՝ TRIPP-ի միավորմանը տարածաշրջանային այլ ենթակառուցվածքների հետ։
Համատեղ հայտարարությամբ կողմերը վերահաստատել են իրենց հանձնառությունը՝ հնարավորինս սեղմ ժամկետներում գործարկելու TRIPP նախագծով նախատեսված բոլոր մեխանիզմները։
Նախագիծը դիտարկվում է նաև որպես 2025 թվականի օգոստոսի 8-ին ԱՄՆ նախագահ Դոնալդ Թրամփի միջնորդությամբ ձեռք բերված պայմանավորվածությունների իրականացման կարևոր բաղադրիչ։
—
Disclaimer: This article was contributed and translated into English by Liana Toganian. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/11/08/168-%d5%a1%d5%b4%d5%b6-%d5%b6-%d5%b0%d5%a1%d5%b5%d5%a1%d5%bd%d5%bf%d5%a1%d5%b6%d5%a8-%d6%87-%d5%a1%d5%a4%d6%80%d5%a2%d5%a5%d5%bb%d5%a1%d5%b6%d5%a8-%d5%bd%d5%af%d5%bd%d5%a5%d5%ac-%d5%a5%d5%b6-tripp/