Նոյեմբերի 2-4-ը Ռուսաստանի Ուլան-Ուդե քաղաքում կանցկացվի մարտական գործողությունների վետերաններին նվիրված հրաձգության միջազգային մրցաշար։ Մրցումներին կմասնակցեն վեց երկրների ներկայացուցիչներ, որոնք մեդալների համար կպայքարեն օդամղիչ հրացանով և ատրճանակով հրաձգության մրցաձևերում։ Այս մասին հայտնում է Հայաստանի ազգային պարալիմպիկ կոմիտեն։
Հայաստանը մրցաշարում կներկայացնեն երեք վետերան մարզիկներ՝ Ալեքսան Բայանդուրյան Գագիկ Խուրշուդյան Դավիթ ՀակոբյանՊատվիրակության ղեկավարն է Կարեն Տոնոյանը։
«Հայաստանի ազգային պարալիմպիկ կոմիտեի նախաձեռնությամբ և Հայաստանի հրաձգության ֆեդերացիայի աջակցությամբ հայ մարզիկներն առաջին անգամ կմասնակցեն նման միջազգային մրցաշարի՝ Հայաստանը ներկայացնելով պարալիմպիկ հրաձգություն մարզաձևում։
Երկու տարի առաջ Հայաստանի ազգային պարալիմպիկ կոմիտեն նպատակ էր դրել Հայաստանում զարգացնել պարալիմպիկ հրաձգությունը։ Այս մասնակցությունը նպատակին հասնելու առաջին կարևոր գործնական քայլն է՝ նոր մարզաձևի զարգացման և վետերան մարզիկների համար նոր հնարավորություններ ստեղծելու ճանապարհին»,- ասվում է հաղորդագրության մեջ։
—
Disclaimer: This article was contributed and translated into English by Arpi Talalian. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/11/03/%d5%b0%d5%a1%d5%b5%d5%a1%d5%bd%d5%bf%d5%a1%d5%b6%d5%ab-%d5%b6%d5%a5%d6%80%d5%af%d5%a1%d5%b5%d5%a1%d6%81%d5%b8%d6%82%d6%81%d5%ab%d5%b9%d5%b6%d5%a5%d6%80%d5%b6-%d5%af%d5%b4%d5%a1%d5%bd%d5%b6%d5%a1%d5%af/