TRIPP, ՀՀ-ԵՄ փոխկապակցվածության գործընկերություն. Արարատ Միրզոյանի ելույթը

Նոյեմբերի 16-ին Բրյուսելում ՀՀ արտաքին գործերի և միջազգային առևտրի նախարար Արարատ Միրզոյանը մասնակցել է Եվրոպական միության նախաձեռնությամբ կազմակերպված «Միջտարածաշրջանային անվտանգություն և փոխկապակցվածություն» խորագրով նախարարական հանդիպմանը։


Նախարար Միրզոյանը ելույթով է հանդես եկել «Միջտարածաշրջանային փոխկապակցվածության իրականացում» թեմայով քննարկմանը։


Իր ելույթում Արարատ Միրզոյանն անդրադարձել է 2025թ. օգոստոսի 8-ի Վաշինգտոնի խաղաղության գագաթնաժողովից հետո տարածաշրջանային հաղորդակցությունների ապաշրջափակման ուղղությամբ արձանագրված առաջընթացին, մասնավորապես՝ «ԹՐԻՓՓ» նախագծի իրականացման շրջանակներում ձեռնարկվող քայլերին ինչպես իրավապայմանագրային դաշտի ապահովման, այնպես էլ գետնի վրա աշխատանքների իրականացման մասով։

Նախարարն ընդգծել է, որ տարածաշրջանային հաղորդակցությունների կառուցումը և/կամ վերագործարկումը կարող է շոշափելի տնտեսական օգուտներ ապահովել տարածաշրջանի բոլոր երկրների համար՝ ընդգծելով Հայաստանի հանձնառությունը «Խաղաղության խաչմերուկ» նախաձեռնության հիմքում ընկած ներառականության և փոխշահավետության սկզբունքները։


Անդրադառնալով ՀՀ-ԵՄ փոխկապակցվածության գործընկերությանը՝ Արարատ Միրզոյանը կարևորել է սահմանային անցակետերի և տրանսպորտային ենթակառուցվածքների զարգացման, մաքսային ընթացակարգերի պարզեցման, առևտրի թվայնացման, ինչպես նաև էներգետիկ և թվային փոխկապակցվածության ընդլայնման ուղղությամբ համագործակցությունը։ Այս համատեքստում նախարարն ընդգծել է, որ քաղաքական հանձնառությունները պետք է վերածվեն կոնկրետ, չափելի արդյունքներ ապահովող ծրագրերի՝ միջազգային ֆինանսական հաստատությունների և մասնավոր հատվածի ներգրավմամբ։


Նախարար Միրզոյանն ընդգծել է Սև ծովը, Հարավային Կովկասը և Կենտրոնական Ասիան կապող հուսալի տրանսպորտային, էներգետիկ և թվային ենթակառուցվածքների ձևավորման կարևորությունը՝ շեշտելով, որ փոխկապակցվածությունը պետք է ծառայի ոչ միայն առևտրի և տնտեսական զարգացմանը, այլև տարածաշրջանային համագործակցության, դիմակայունության և խաղաղության ամրապնդմանը։


Հանդիպմանը մասնակցել են ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը, ԵՄ ընդլայնման հարցերով հանձնակատար Մարթա Կոսը, միջազգային գործընկերության հարցերով հանձնակատար Յոզեֆ Սիկելան, ինչպես նաև ԵՄ անդամ պետությունների, Ուկրաինայի, Մոլդովայի, Թուրքիայի, Հարավային Կովկասի երկրներից նաև Ադրբեջանի Կենտրոնական Ասիայի երկրների՝ Ղազախստանի, Ղրղզստանի, Տաջիկստանի, Թուրքմենստանի և Ուզբեկստանի ԱԳ նախարարներն ու ներկայացուցիչները:

—

Disclaimer: This article was contributed and translated into English by Emil Lazarian. While we strive for quality, the views and accuracy of the content remain the responsibility of the contributor. Please verify all facts independently before reposting or citing.

Direct link to this article: https://www.armenianclub.com/2026/11/17/tripp-%d5%b0%d5%b0-%d5%a5%d5%b4-%d6%83%d5%b8%d5%ad%d5%af%d5%a1%d5%ba%d5%a1%d5%af%d6%81%d5%be%d5%a1%d5%ae%d5%b8%d6%82%d5%a9%d5%b5%d5%a1%d5%b6-%d5%a3%d5%b8%d6%80%d5%ae%d5%a8%d5%b6%d5%af%d5%a5%d6%80/

Emil Lazarian

“I should like to see any power of the world destroy this race, this small tribe of unimportant people, whose wars have all been fought and lost, whose structures have crumbled, literature is unread, music is unheard, and prayers are no more answered. Go ahead, destroy Armenia . See if you can do it. Send them into the desert without bread or water. Burn their homes and churches. Then see if they will not laugh, sing and pray again. For when two of them meet anywhere in the world, see if they will not create a New Armenia.” - WS

Leave a Reply