Նոյեմբեր 16, 2026
ԱԺ նախագահ Ռուբեն Ռուբինյանն այսօր կարգադրություն է ստորագրել, որով ԱԺ նախագահի օգնականի պաշտոնից ազատել է Լուսինե Բեկչյանին՝ նրա դիմումի համաձայն։
«Ղեկավարվելով «Հանրային ծառայության մասին» օրենքի 9-րդ հոդվածի 10-րդ մասով, Ազգային ժողովի խորհրդի 2017 թվականի հունիսի 12-ի ԱԺԽՈ-006–Լ որոշման 1-ին հավելվածի 18-րդ կետի 1-ին ենթակետով, Հայաստանի Հանրապետության աշխատանքային օրենսգրքի 130-րդ հոդվածով և hիմք ընդունելով Լուսինե Բեկչյանի 2026 թվականի նոյեմբերի 12-ի դիմումը` կարգադրում եմ.
2026 թվականի նոյեմբերի 16-ից Լուսինե Բեկչյանին ազատել ԱԺ նախագահի օգնականի պաշտոնից:
Ազգային ժողովի աշխատակազմի ղեկավար-գլխավոր քարտուղար Դ. Համբարյանին՝ ապահովել Հայաստանի Հանրապետության օրենսդրությամբ սահմանված կարգով լրիվ վերջնահաշվարկի կատարումը»,- նշված է Ռուբեն Ռուբինյանի ստորագրած կարգադրությունում, որը հրապարակվել է ԱԺ պաշտոնական կայքում:
Հիշեցնենք, որ օգոստոսի 3-ին էր Ռուբեն Ռուբինյանը կարգադրություն ստորագրել, որով Լուսինե Բեկչյանին նշանակել էր ԱԺ նախագահի օգնական։
—