Նոյեմբերի 5-ին Երևանի պետական համալսարանում տեղի կունենա «Խաղաղությունը և բռնությունից զերծ աշխարհը՝ միջազգային իրավունքի և միաստվածային կրոնների տեսանկյունից» խորագրով երկրորդ միջազգային գիտաժողովը։
Գիտաժողովը կազմակերպում է «Մշակույթների մերձեցման միջազգային» հասարակական կազմակերպությունը՝ Իրանի Իսլամական Հանրապետության մշակույթի և իսլամական կապերի կազմակերպության Կրոնների երկխոսության կենտրոնի, Թեհրանի համալսարանի իրավագիտության ֆակուլտետի, Երևանի պետական համալսարանի, Հայաստանում ԻԻՀ դեսպանության մշակույթի կենտրոնի և մի շարք այլ գիտական ու մշակութային հաստատությունների համագործակցությամբ։
Գիտաժողովը մեկ հարկի տակ կհամախմբի Հայաստանի, Իրանի և այլ երկրների գիտնականների, իրավագետների, կրոնագետների ու հոգևոր գործիչների՝ քննարկելու ժամանակակից աշխարհում խաղաղության պահպանման, բռնության կանխարգելման և ժողովուրդների միջև փոխըմբռնման ամրապնդման ուղիները։
Քննարկումների առանցքում կլինեն միջազգային իրավունքի դերը բռնության դեմ պայքարում, ինչպես նաև միաստվածային կրոնների առաքելությունն ու պատասխանատվությունը խաղաղության հաստատման և պահպանման գործում։
Գիտաժողովը հնարավորություն կընձեռի տարբեր երկրների մասնագետներին ներկայացնելու իրենց մոտեցումները, փոխանակելու գիտական տեսակետներ և անդրադառնալու այն ընդհանուր արժեքներին, որոնք կարող են նպաստել առավել խաղաղ ու անվտանգ աշխարհի կերտմանը։
Օրը՝ 2026 թ. նոյեմբերի 5
Սկիզբը՝ ժամը 09։15-ին
Վայրը՝ Երևանի պետական համալսարանի Արևելագիտության ֆակուլտետ, Ֆիրդուսու անվան լսարան
—
The Cultural Center of The Embassy of The Islamic Republic of Iran in The Republic of Armenia
Armenia, Yerevan, M. Chailakhyan Ave. 2a.
M: 094901034
T: 010 229053/ 010 229054
—
Disclaimer: This article was contributed and translated into English by Antranik Varosian. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/11/06/%d5%ad%d5%a1%d5%b2%d5%a1%d5%b2%d5%b8%d6%82%d5%a9%d5%b5%d5%b8%d6%82%d5%b6%d5%a8-%d6%87-%d5%a2%d5%bc%d5%b6%d5%b8%d6%82%d5%a9%d5%b5%d5%b8%d6%82%d5%b6%d5%ab%d6%81-%d5%a6%d5%a5%d6%80%d5%ae-%d5%a1/