Իրանը Մերձավոր Արևելքի երկրներից պահանջել է հրաժարվել ԱՄՆ-ին աջակցելուց այն դեպքում, եթե վերսկսվեն ռազմական գործողությունները Թեհրանի և Վաշինգտոնի միջև։ Այդ մասին հոկտեմբերի 23-ին հայտարարել է Իրանի խորհրդարանի ազգային անվտանգության և արտաքին քաղաքականության հանձնաժողովի անդամ Ֆեդա-Հոսեյն Մալեքին։
«Տարածաշրջանի երկրներին փոխանցվել է վերջնագիր՝ հրաժարվել ԱՄՆ-ին ցանկացած աջակցությունից։ 40-օրյա պատերազմի ընթացքում մենք հարվածներ էինք հասցնում այն ցանկացած երկրի տարածքում գտնվող բազաներին, որոնք ԱՄՆ-ն օգտագործում էր Իրանի վրա հարձակվելու համար»,- ասել է Մալեքին «ՌԻԱ Նովոստի»-ին։
Նրա խոսքով՝ ռազմական գործողությունների վերսկսման դեպքում Թեհրանը կկարողանա պարզել, թե տարածաշրջանի որ արաբական և այլ պետություններն են պատրաստ աջակցել ամերիկյան զորքերին։ Իրանական կողմը նախապես նրանց է հասցրել համապատասխան տեղեկությունը և այժմ հետևում է իրավիճակի զարգացմանը։
Մալեքին նշել է, որ ամերիկյան ուժերին աջակցելու դեպքում Իրանի պատասխանը կարող է դուրս գալ այդպիսի պետությունների տարածքում գտնվող ռազմական օբյեկտներին հասցվող հարվածների սահմաններից։ Նրա խոսքով՝ Թեհրանը կարող է այդ երկրներին ճանաչել թշնամական։
—
Disclaimer: This article was contributed and translated into English by Kajoyan Gevork. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/10/24/verelq-%d5%ab%d6%80%d5%a1%d5%b6%d5%a8-%d5%bf%d5%a1%d6%80%d5%a1%d5%ae%d5%a1%d5%b7%d6%80%d5%bb%d5%a1%d5%b6%d5%ab-%d5%a5%d6%80%d5%af%d6%80%d5%b6%d5%a5%d6%80%d5%ab%d5%b6-%d5%b6%d5%a1%d5%ad%d5%a1%d5%a6/