Հոկտեմբեր 21, 2026
Հայաստանի և ԱՄՆ-ի միջև ԹՐԻՓՓ նախագծի վերաբերյալ շրջանակային համաձայնագիրը տնտեսական համագործակցության նոր մակարդակ է ձևավորում՝ միաժամանակ ամրագրելով Հայաստանի ինքնիշխանությունն ու իրավազորությունը ծրագրի շրջանակում գործող ենթակառուցվածքների նկատմամբ․ այս մասին Ազգային ժողովի արտաքին հարաբերությունների մշտական հանձնաժողովի նիստում հայտարարել է Արտաքին գործերի և միջազգային առևտրի նախարար Արարատ Միրզոյանը՝ ներկայացնելով «Թրամփի ուղի՝ հանուն միջազգային խաղաղության և բարգավաճման» նախագծի վերաբերյալ ռազմավարական համագործակցության շրջանակային համաձայնագիրը վավերացնելու մասին օրենքի նախագիծը։
«Սա համաձայնագիր է Հայաստանի Հանրապետության և Ամերիկայի Միացյալ Նահանգների միջև: Նպատակ ունի կանոնակարգել «TRIPP զարգացման ընկերություն» անունով ընկերության հիմնադրումը, հետագա կառավարումը։ Սա այն ընկերությունն է, որը, ըստ էության, կառուցելու է և կառավարելո՛ւ է, ստանալո՛ւ է կոնցեսիոն իրավունքներ՝ նշածս ենթակառուցվածքների կառավարման համար»,- ասել է նախարարը։
Նա հավելել է՝ այս համաձայնագրի վավերացումից հետո, պետք է ստորագրվեն նաև բաժնետերերի պայմանագիրը, հաստատվի ընկերության կանոնադրությունը։
«Որևէ ենթակառուցվածք, որևէ հարաբերություն, որ հաստատվելու է, ամբողջությամբ և դետալներով տեղի է ունենալու մի քանի հիմնարար սկզբունքների հիման վրա և կամ դրանց ներքո, և այդ սկզբունքները բոլորիդ հայտնի են՝ ինքնիշխանություն, տարածքային ամբողջականություն, իրավազորություն,- ընդգծել է Արարատ Միրզոյանը, ապա շեշտել,- Այս փաստաթղթում «ինքնիշխանություն» բառը 8 անգամ կիրառված է ՝ հետևյալ համատեքստում․ հաստատվում է Հայաստանի Հանրապետության ինքնիշխանությունը ենթակառուցվածքների և գործընթացների նկատմամբ»։
Մանրամասները՝ տեսանյութում
—
Disclaimer: This article was contributed and translated into English by Alex Nanijanian. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/10/22/%d5%a9%d6%80%d5%ab%d6%83%d6%83-%d5%ab-%d5%b4%d5%a1%d5%bd%d5%b8%d5%be-%d5%a4%d5%a5%d5%bc-%d5%ba%d5%a5%d5%bf%d6%84-%d5%a7-%d5%bd%d5%bf%d5%b8%d6%80%d5%a1%d5%a3%d6%80%d5%a5%d5%b6%d6%84-%d5%a2%d5%a1%d5%aa/