Արարատ Միրզոյանը, որ հոկտեմբերի 4–5–ին Իրանում էր եւ հանդիպել էր նաեւ Իրանի ԱԳ նախարար Արաղչիի հետ, հոկտեմբերի 8–ին հեռախոսազրույց է ունեցել նրա հետ։ Ըստ ԱԳՆ տարածած հաղորդագրության, քննարկել են «այցի ընթացքում ձեռք բերած պայմանավորվածությունների կատարման ընթացքը»։
Այստեղ հետաքրքիր է այն, որ Միրզոյանը նույն օրը խոսել է նաեւ Ղազախստանի ԱԳ նախարար Մուխտար Տլեուբերդիի հետ։ Նշվում է, թե անդրադարձ են կատարել «տարածաշրջանային փոխկապակցվածության հարցերի»։ Թե ինչ է դա նշանակում, կարող ենք միայն կռահել։ Հավանաբար խոսքը նաեւ Թրամփի ուղու մասին է։ Իսկ ի՞նչ կարող է այստեղ անել կամ ինչ դեր կարող է ունենալ Ղազախստանը։ Հավանաբար բանը երկաթուղին է։
Եվ այտեղ հարց է առաջանում, թե արդյո՞ք Հայաստանն իրանական կողմի հետ քննարկում է Թրամփի ուղու ծրագրում Ղազախստանի որեւէ դեր, այդ կերպ փորձելով փոխել Իրանի մոտեցումը ծրագրի վերաբերյալ։
Վերլուծաբան Հակոբ Բադալյան
—
Disclaimer: This article was contributed and translated into English by Emma Jilavian. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/10/10/%d5%a1%d6%80%d5%a4%d5%b5%d5%b8%d5%9e%d6%84-%d5%b0%d5%a1%d5%b5%d5%a1%d5%bd%d5%bf%d5%a1%d5%b6%d5%b6-%d5%ab%d6%80%d5%a1%d5%b6%d5%a1%d5%af%d5%a1%d5%b6-%d5%af%d5%b8%d5%b2%d5%b4%d5%ab-%d5%b0%d5%a5%d5%bf/