Գլխավոր դատախազությունը դիմում է ներկայացրել Հակակոռուպցիոն կոմիտե՝ Տիգրան Մեծի պողոտա 16 հասցեում գտնվող «Այրարատ» (“Ռոսիա”) կինոթատրոնի շենքը բռնագանձելու պահանջով: Այն պատկանում է նախկին իշխանական պատգամավոր, գործարար Խաչատուր Սուքիասյանի ընտանիքին:
Պահանջի հիմքում, ըստ Դատախազության, այն է, որ մինչև 2017 թվականի հունվարի 14-ը նշված անշարժ գույքի սեփականաշնորհմանն ուղղված մասնավորեցման գործարքով նախատեսված՝ 1 միլիոն 550 հազար ԱՄՆ դոլարին համարժեք դրամի ներդրումները չեն կատարվել։
Հակակոռուպցիոն դատարանի հոկտեմբերի 5-ի որոշմամբ՝ հայցադիմումն ընդունվել է վարույթ: Նույն օրվա մեկ այլ որոշմամբ կիրառվել է հայցի ապահովման միջոց, մասնավորապես, ՍՊ ընկերությանն արգելվել է կատարել ցանկացած գործողություն, որը կհանգեցնի Տիգրան Մեծի պողոտա 16 հասցեում գտնվող անշարժ գույքի փաստացի կամ իրավական վիճակի փոփոխության:
—
Disclaimer: This article was contributed and translated into English by Emma Nadirian. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/10/09/%d5%a4%d5%a1%d5%bf%d5%a1%d5%ad%d5%a1%d5%a6%d5%b8%d6%82%d5%a9%d5%b5%d5%b8%d6%82%d5%b6%d5%a8-%d5%ba%d5%a1%d5%b0%d5%a1%d5%b6%d5%bb%d5%b8%d6%82%d5%b4-%d5%a7-%d5%a2%d5%bc%d5%b6%d5%a1%d5%a3%d5%a1%d5%b6/