Հոկտեմբեր 7, 2026
Համացանցում այսօր մի տեսանյութ էր հայտնվել, որտեղ ոստիկանները փորձում էին մի քաղաքացու բերման ենթարկել, սակայն տվյալ քաղաքացին պահանջում էր համապատասխան ծանուցում, որպեսզի գնա ոստիկանների հետ։ Նման փաստաթուղթ ոստիկանները քաղաքացուն ցույց չտվեցին և տարան։
Տեսանյութում երևում է, որ տղամարդու գրկին մանկահասակ երեխա է, ոստիկանները նրան հորդորում են՝ երեխային թողնի և իրենց հետ գնա, սակայն քաղաքացին փաստաթուղթ է պահանջում:
«Ինձ որոշումը ցույց տվեք, իմ ոտքով հենց հիմա գամ»,- ասում է քաղաքացին, ով, ինչպես պարզեցինք, Հարութ Մարությանն է:
Տեսանյութը նկարահանել և հրապարակել էր քաղաքացու կինը՝ Միլա Աբաջյանը։
168.am-ը Միլա Աբաջյանից փորձեց պարզել՝ ի՞նչ է տեղի ունեցել, ինչո՞ւ են ամուսնուն տարել ոստիկանները, ինչին ի պատասխան՝ նա ասաց.
«Ոստիկաններն ապօրինի գործողություններով իմ և երեխայիս աչքի դիմաց՝ առանց որևէ փաստաթղթի և հիմնավորման, տարել են ոստիկանություն, և նա անազատության մեջ է»։
Ներքին գործերի նախարարի մամուլի քարտուղար Նարեկ Սարգսյանն այս դեպքի առնչությամբ 168.am-ին փոխանցեց, որ տեսանյութն ուսումնասիրվում է։
—
Disclaimer: This article was contributed and translated into English by Arsine Chaltikian. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/10/08/%d5%ab%d5%b4-%d6%87-%d5%a5%d6%80%d5%a5%d5%ad%d5%a1%d5%b5%d5%ab%d5%bd-%d5%a1%d5%b9%d6%84%d5%ab-%d5%a1%d5%bc%d5%a1%d5%bb%d5%9d-%d5%a1%d5%bc%d5%a1%d5%b6%d6%81-%d5%b8%d6%80%d6%87%d5%a7-%d6%83%d5%a1/