Ստամբուլի արևմուտքում դպրոցական աղջիկը դանակահարել է առնվազն հինգ աշակերտուհու. բոլոր տուժածները տեղափոխվել են հիվանդանոց։
«Երեքշաբթի օրը՝ ժամը 08:40-ին, Բաշաքշեհիր շրջանի միջնակարգ դպրոցներից մեկում տեղի ունեցած վեճի հետևանքով հինգ աշակերտ է տուժել։ Վիրավորները հոսպիտալացվել են»,— հայտնել է Ստամբուլի նահանգապետարանը։
Դեպքի առթիվ նախաքննություն է սկսվել։
Yeni Şafak պարբերականի փոխանցմամբ՝ մեկ այլ դպրոցի 15-ամյա աշակերտուհի դանակի հարվածներ է հասցրել մի քանի աշակերտուհիների։ Հարձակվողին տեղում ձերբակալել է դպրոցի անվտանգության աշխատակիցը։
Թուրքիայի դպրոցներում անվտանգության միջոցառումները խստացվել էին դեռ ապրիլին, երբ Քահրամանմարաշում 8-րդ դասարանցին կրակ էր բացել դպրոցում։ Այդ ողբերգության հետևանքով զոհվել էր 9 մարդ, այդ թվում՝ 8 աշակերտ, ևս 13-ը վիրավորվել էին։
—
Disclaimer: This article was contributed and translated into English by Ophelia Vardapetian. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/10/07/%d5%bd%d5%bf%d5%a1%d5%b4%d5%a2%d5%b8%d6%82%d5%ac%d5%b8%d6%82%d5%b4-15-%d5%a1%d5%b4%d5%b5%d5%a1-%d5%a1%d5%b2%d5%bb%d5%ab%d5%af%d5%a8-%d5%a4%d5%a1%d5%b6%d5%a1%d5%af%d5%a1%d5%b0%d5%a1%d6%80%d5%a5%d5%ac/