ՌԴ նախագահ Վլադիմիր Պուտինը արգելել է ֆիզիկական անձանց երկրից դուրս բերել 1 մլն ռուբլուց ավելի կանխիկ գումար Եվրասիական տնտեսական միության (ԵԱՏՄ) և ԱՊՀ անդամ երկրներ, որոնց թվում են Բելառուսը, Ղազախստանը, Հայաստանը և Ղրղզստանը, ինչպես նաև Ադրբեջան, Տաջիկստան և Ուզբեկստան:
Այս մասին հրամանագիրը հրապարակվել է սեպտեմբերի 29-ին իրավական տեղեկատվության պաշտոնական հարթակում:
Փաստաթուղթը նախատեսում է որոշակի բացառություններ: 1 մլն ռուբլուց ավելի գումարը կարող է դուրս բերվել որոշակի միջազգային օդանավակայաններով, եթե ճանապարհորդը ներկայացնի պաշտոնական բանկային քաղվածքներ, որոնք հաստատում են, որ միջոցները օրինականորեն են դուրս բերվել ռուսական բանկերում առկա հաշիվներից կամ ավանդներից: Սա վերաբերում է քաղաքացիներին, ընկերություններին և անհատ ձեռնարկատերերին:
Նշվում է, որ արգելքը չի տարածվում նաև այն անձանց վրա, որոնք տեղափոխում են 1 մլն ռուբլուց ավելի գումարներ՝ միջազգային և միջկառավարական կազմակերպություններում Ռուսաստանի դիվանագիտական առաքելություններին աջակցելու համար. նման դեպքերը պահանջում են համապատասխան ծանուցում Արտաքին գործերի նախարարությանը:
«Արգելքը խախտելու դեպքում Ռուսաստանի Դաշնությունից արտահանվող ՌԴ կանխիկ արժույթը ֆիզիկական անձանցից ենթակա է առգրավման՝ 1 մլն ռուբլին գերազանցող չափով, իսկ իրավաբանական անձանցից և անհատ ձեռնարկատերերից՝ ամբողջությամբ», – ասվում է փաստաթղթում։
—
Disclaimer: This article was contributed and translated into English by Emil Lazarian. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/09/30/verelq-%d5%ba%d5%b8%d6%82%d5%bf%d5%ab%d5%b6%d5%b6-%d5%a1%d6%80%d5%a3%d5%a5%d5%ac%d5%a5%d5%ac-%d5%a7-%d5%bc%d5%a4-%d5%ab%d6%81-%d5%a1%d5%be%d5%a5%d5%ac%d5%ab-%d6%84%d5%a1%d5%b6-1%d5%b4%d5%ac%d5%b6/
