Սեպտեմբեր 26, 2026
Պետական բյուջեից հերթական միլիոնները՝ այս անգամ «Silicon Mountains Summit & Expo 2026»-ի համար։ Բարձր տեխնոլոգիական արդյունաբերության և արհեստական բանականության նախարարությունն առանց մրցույթի՝ մեկ անձ գնման ընթացակարգով, 15 միլիոն դրամ է փոխանցել Տեղեկատվական և հաղորդակցության տեխնոլոգիաների գործատուների միություն հ/կ-ին։
Գագաթնաժողովը ՏՀՏԳՄ-ի կողմից կազմակերպվում է 2019 թվականից։
Ըստ պայմանագրի՝ միջոցառման շրջանակում գործելու է «Startup Valley» գոտի, որտեղ ընտրված 12 ստարտափների տրամադրվելու են անվճար տաղավարներ։
Հ/կ-ն, իրավաբանական անձանց ռեգիստրի տվյալների համաձայն, գրանցվել է 2015 թվականից, իսկ 2022 թվականին առաջին անգամ պետգնումներում համագործակցել ԲՏԱ նախարարության հետ՝ ստանալով կիբերանվտանգության դասընթացի համար դրամաշնորհ։
Նկատենք՝ այս տարվա հունիսին նախարարությունից 51 միլիոն դրամի չափով մեկ այլ դրամաշնորհ էլ գործատուների միությունը ստացել է հունիսի 3-4-ը կազմակերպված մեկ այլ՝ «RISE powered by Silicon Mountains» միջոցառման կազմակերպման համար։
—
Disclaimer: This article was contributed and translated into English by Edgar Tavakalian. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/09/26/5-%d5%b4%d5%ab%d5%ac%d5%ab%d5%b8%d5%b6-%d5%a4%d6%80%d5%a1%d5%b4-%d5%a2%d5%bf%d5%a1-%d5%b6%d5%a1%d5%ad%d5%a1%d6%80%d5%a1%d6%80%d5%b8%d6%82%d5%a9%d5%b5%d5%b8%d6%82%d5%b6%d5%ab%d6%81%d5%9d-silicon-mounta/