Սեպտեմբերի 22-ին ՀՀ արտաքին գործերի և միջազգային առևտրի նախարարի տեղակալ Վահան Կոստանյանն ընդունել է Հայաստանում Կանադայի նորանշանակ դեսպան Ջուլի Քրոուլիին՝ հավատարմագրերի պատճենը հանձնելու կապակցությամբ: Այդ մասին հայտնում են ԱԳՄԱՆ-ից:
Նախարարի տեղակալը շնորհավորել է դեսպան Քրոուլիին դիվանագիտական առաքելության մեկնարկի կապակցությամբ, վստահություն հայտնելով, որ նորանշանակ դեսպանն իր նշանակալի ներդրումը կունենա երկու երկրների միջև առկա արդյունավետ փոխգործակցության շարունակական ընդլայնման գործում:
Զրուցակիցները քննարկել են այս տարվա հուլիսին Օտտավայում կայացած քաղաքական խորհրդակցությունների արդյունքներով նախանշված համագործակցության ուղղություններով ընթացող աշխատանքները, վերահաստատել երկու երկրների միջև առևտրատնտեսական հարաբերությունների հետագա ակտիվացման կարևորությունը:
Անդրադարձ է կատարվել նաև միջազգային զարգացումներին:
—
Disclaimer: This article was contributed and translated into English by Kanayan Tamar. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/09/25/%d5%af%d5%a1%d5%b6%d5%a1%d5%a4%d5%a1%d5%b5%d5%ab-%d5%a4%d5%a5%d5%bd%d5%ba%d5%a1%d5%b6%d5%b6-%d5%ab%d6%80-%d5%b0%d5%a1%d5%be%d5%a1%d5%bf%d5%a1%d6%80%d5%b4%d5%a1%d5%a3%d6%80%d5%a5%d6%80%d5%ab-%d5%ba/