Կաշառք տալու և ստանալու դեպքերի առթիվ ՀՀ հակակոռուպցիոն կոմիտեում նախաձեռնված քրեական վարույթի շրջանակում ձերբակալվել է 3 անձ, այդ թվում՝ ՀՀ ՊՆ հանրապետական զինվորական կոմիսարիատի տարածքային ստորաբաժանման պաշտոնատար անձ: Այս մասին հայտնեցին Հակակոռուպցիոն կոմիտեից:
Վերջինս մեղադրվում է զորակոչիկի՝ պարտադիր զինվորական ծառայությունից տարկետում ստանալու գործընթացն ապօրինի կազմակերպելու դիմաց կաշառք ստանալու մեջ:
Նրա նկատմամբ որպես խափանման միջոց է կիրառվել կալանքը։
—
«Ուժեղ Հայաստան» խմբակցության ղեկավար Նարեկ Կարապետյանն այսօր՝ հոկտեմբերի 27-ին, խորհրդարանում TRIPP-ի վերաբերյալ պայմանագրի վավերացման հարցով քննարկումների ժամանակ ելույթ ունենալիս նախազգուշացրեց, որ TRIPP նախագծի վաղաժամ մեկնարկը՝ առանց Ադրբեջանի հետ խաղաղության պայմանագրի վերջնական ստորագրման, կարող է թուլացնել Հայաստանի դիրքերը տրանսպորտային հաղորդակցությունների ապաշրջափակման հարցում:
Քննարկման ընթացքում Կարապետյանը Միրզոյանին հարցրեց, թե արդյոք TRIPP-ը կարող է սկսել աշխատել նախքան խաղաղության պայմանագրի վերջնական ստորագրումն ու վավերացումը: Նրա խոսքով՝ ԱՄՆ-ի հետ համաձայնագրում ինքը չի տեսել դրույթներ, որոնք նախագծի մեկնարկն ուղղակիորեն կապում են խաղաղ գործընթացի ավարտի հետ:
Միրզոյանը պատասխանեց, որ նման սցենարը հնարավոր է: Նա հիշեցրեց, որ խաղաղության պայմանագիրն արդեն նախաստորագրված է, իսկ Հայաստանն ու Ադրբեջանը հրապարակայնորեն հաստատել են իրենց պարտավորությունները և ճանաչել համաձայնեցված փաստաթղթի գոյությունը: Նախարարի խոսքով՝ հայկական կողմը վստահում է պայմանագրի յուրաքանչյուր տառին ու դրույթին և դրանք կասկածի տակ չի դնում: Ադրբեջանը, պարզաբանեց նա, առայժմ հրաժարվում է ստորագրել փաստաթուղթը՝ վկայակոչելով որոշակի պատճառներ, և հայտարարում է, որ կստորագրի այն այդ խոչընդոտների վերացումից հետո:
Ընդ որում, ընդգծեց ԱԳ նախարարը, TRIPP-ի մեկնարկի համար անհրաժեշտ էոչ միայն պայմանագրային հենք, այլև համապատասխան իրադրություն՝ խաղաղություն: Միրզոյանը հայտարարեց, որ խաղաղությունն արդեն իրականություն է. երկու երկրների զինծառայողները միմյանց վրա չեն կրակում, բեռները հատում են սահմանը, իսկ Հայաստանն այս փուլում պատրաստ է իր տարածքով բաց թողնել նաև ադրբեջանական բեռները: Նախարարը խոստովանեց, որ իդեալական սցենարի դեպքում կարելի էր նախ ստորագրել խաղաղության պայմանագիրը և միայն դրանից հետո գործարկել TRIPP-ը: Սակայն, նրա խոսքով, իրադարձությունների զարգացումը միշտ չէ, որ համապատասխանում է տեսականորեն ճիշտ հաջորդականությանը: Նա առաջարկեց դիտարկել նաև մեկ այլ տարբերակ. TRIPP-ի և այլ համատեղ նախագծերի մեկնարկը, այդ թվում՝ քաղաքացիական հասարակությունների ներկայացուցիչներիմիջև փոխանակումները, կարող է ամրապնդել արդեն իսկ գոյություն ունեցող խաղաղությունը և մոտեցնել պայմանագրի ստորագրումը:
Ի պատասխան՝ Կարապետյանը Միրզոյանի հայտարարությունն անվանեց կարևոր և փաստացի պոտենցիալ խնդիրը բացահայտող: Նա առաջարկեց պատկերացնել մի իրավիճակ, երբ Հայաստանը վավերացնում է համաձայնագիրը, իսկ մեկ տարի անց TRIPP-ը սկսում է աշխատել: Այդ դեպքում, նրա գնահատմամբ, Ադրբեջանի մոտ կարող է վերանալ Հայաստանին հաղորդակցությունների ապաշրջափակման այլ հնարավորություններ ապահովելու խթանը, քանի որ Բաքուն արդեն ստացած կլինի ցանկալի տրանսպորտային երթուղին:
Կարապետյանն այս ռիսկը կապեց այն բանի հետ, ինչն անվանեց Ադրբեջանի նախկին քաղաքականություն՝ զիջումների ստացում փուլ առ փուլ, «սալյամիի» սկզբունքով: Նա մտահոգություն հայտնեց, որ TRIPP-ի մեկնարկից հետո Բաքուն կարող է նոր պայմաններ առաջադրել, այդ թվում՝ պահանջել Հայաստանի Սահմանադրության փոփոխություն, իսկ հետո դրանք օգտագործել հետագա գործընթացը ձգձգելու կամ բլոկավորելու համար: Այդ դեպքում, նախազգուշացրեց պատգամավորը, Ադրբեջանը կստանա տրանսպորտային երթուղին, իսկ Հայաստանը հաղորդակցությունների ապաշրջափակման հարցում համաչափ արդյունքի չի հասնի:
Միրզոյանն առարկեց, որ նման մոտեցումը հաշվի է առնում TRIPP-ի միայն սահմանափակ հատվածը և նախագիծը չի դիտարկում դրա աշխարհագրական ու տրանսպորտային համատեքստում: Նախարարի խոսքով՝ երթուղին չի կարող ինքնին լիարժեք գործել. ողջ ենթակառուցվածքի աշխատանքի համար անհրաժեշտ են դրա շարունակությունները երկու ուղղություններով և բեռների շարժը կապակցված երթուղիներով: Որպես փոխադարձ հետաքրքրվածության երաշխիք նա նշեց այն, որ նախագիծն անհրաժեշտ էոչ միայն Հայաստանին, այլև Ադրբեջանին, ինչպես նաև երրորդ կողմերին: Միրզոյանի պնդմամբ՝ անհնար է պատկերացնել մի իրավիճակ, երբ ադրբեջանական բեռները երթուղով կտեղափոխվեն Նախիջևան, իսկ հայկական բեռների համար չի ապահովվի հակառակ ուղղությամբ շարժը կամ երթուղի շարունակությունը Ադրբեջանի տարածքով: Նա հստակեցրեց, որ խոսքը միայն Մեղրիի մասին չէ. նմանատիպ սկզբունք, նրա խոսքով, պետք է գործի նաև Տավուշով դեպի հայ-ադրբեջանական սահման ուղղության վրա:
Նախարարն ընդգծեց, որ սա իր պաշտոնական դիրքորոշումն է՝ որպես կառավարության ներկայացուցչի և նախագծի հարակից զեկուցողի. նա հնարավոր չի համարում այն իրավիճակը, երբ համապատասխան ենթակառուցվածքով բեռներ կտեղափոխվեն Ադրբեջանից Նախիջևան և հակառակ ուղղությամբ, սակայն նմանատիպ շարժ չի ապահովվի Հայաստանի համար:
Միևնույն ժամանակ, Միրզոյանը թույլ տվեց, որ խաղաղության պայմանագրի ստորագրումից հետո գործընթացը կարող է զարգանալ աստիճանաբար: Նրա խոսքով՝ կարելի էր հրաժարվել ցանկացած քայլից մինչև բոլոր հարցերի համաձայնեցումն ու ստորագրումը, սակայն կարելի է նաև հետևողականորեն իրականացնել առանձին համաձայնություններ և արդյունքը ստուգել յուրաքանչյուր փուլում: Նախարարը կարծիք հայտնեց, որ նման քայլերով առաջընթացը ունակ է ժամանակի ընթացքում ամրապնդել խաղաղությունը և դրա խախտումը դարձնել ավելի ու ավելի դժվարին:
—
Մամիկոն Ասլանյանի արդարացման դատավճիռը կայացվեց ՏԻՄ ընտրությունների ժամանակահատվածում։ Ինչո՞ւ եմ սա շեշտում։ Որովհետև Ասլանյանի դեմ քրեական հետապնդման իրական շարժառիթը Վանաձորի ՏԻՄ ընտրություններում նրա հաղթանակն էր։ Արդարացրին հենց այն օրը, երբ կրկին ՏԻՄ ընտրություններ էին անցկացվում։ Տարիներ տևած դատական քաշքշուկից հետո, Վերաքննիչ հակակոռուպցիոն դատարանը նրան արդարացրեց այն մեղադրանքով, որի շրջանակում նա երկու տարի յոթ ամիս զրկված էր ազատությունից։
Քաղաքական գործընթացում հաղթած մարդը տարիներ շարունակ ստիպված էր պայքարել ոչ թե իր քաղաքական մրցակիցների, այլ իր դեմ գործարկված ԱՆարդարադատության մեքենայի դեմ։ Երկու տարի յոթ ամիսը պարզապես ժամանակահատված չէ։ Դրանք ամիսներ ու տարիներ են, որոնք մարդն անցկացրել է կալանքի տակ՝ ընտանիքից, բնականոն կյանքից, աշխատանքից և ազատությունից զրկված։ Իսկ այդ ամբողջ ընթացքում քննիչը, դատախազը միջնորդություններ են ներկայացրել կալանքը որպես խափանման միջոց կիրառելու կամ երկարաձգելու համար և դատարանն էլ որոշումներ է կայացրել դրանք բավարարելու մասին։ Սա նշանակում է, որ պետական համակարգի տարբեր օղակներում մարդիկ են որոշումներ կայացրել, որոնց հետևանքով մեկ մարդու կյանքից խլվել է երկու տարի յոթ ամիս։ Եվ հիմա, երբ արդարացման դատավճիռ կա, ո՞վ է պատասխանելու այդ որոշումների հետևանքների համար։
Այսօր էլ քաղաքական և հանրային բազմաթիվ գործիչներ գտնվում են կալանքի տակ՝ քաղաքական հետապնդումների մասին լուրջ մտահոգությունների պայմաններում։ Կալանքը, որը պետք է լինի բացառիկ միջոց և կիրառվի միայն օրենքով նախատեսված անհրաժեշտության դեպքում, վերածվել է նրանց հանդեպ քաղաքական խնդիրներ լուծելու գործիքի։ Կալանքի այս շղթան պետք է մի պահից կտրվի։ Եվ քանի որ առաջիկայում հանրության ուշադրության կենտրոնում է գտնվող գործերից առաջինը Գագիկ Ծառուկյանի գործով նիստն է, դատարանը պետք է վեր կանգնի քաղաքական նպատակահարմարությամբ որոշումներ կայացնելու պրակտիկայից, մարդու ազատությունը քաղաքական հաշվեհարդարի գործիքի վերածելու պրակտիկայից։ Եվ նույն տրամաբանությունը պետք է գործի մնացած քաղաքական դրդապատճառներիով քրեական գործերով։
Ժամանակն է, որ յուրաքանչյուր քննիչ, դատախազ և դատավոր գիտակցի իր ստորագրության ու որոշման իրական գինը։ Կալանքի միջնորդությունը պարզապես թղթի վրա գրված պահանջ չէ, իսկ այն բավարարող դատական ակտը՝ հերթական ընթացակարգային որոշում։ Դրանց հետևում կենդանի մարդ է՝ իր ընտանիքով, իրավունքներով, արժանապատվությամբ ու ճակատագրով։ Եվ երբ այդ որոշումների հետևանքով մարդը տարիներով զրկվում է ազատությունից, պատասխանատվությունը չի կարող անհետանալ դատական գործի էջերի արանքում։
Պետք է վերջ տալ կալանքների այս շղթային։ Պետք է վերջ տալ այն պրակտիկային, երբ մարդու ազատությունը սահմանափակվում է հեշտությամբ, իսկ ազատությունից զրկելու հետևանքների համար պատասխանատվությունը դառնում է անհասանելի։ Ի վերջո մենք հասել ենք այն սահմանագծին, որից հետո այլևս հնարավոր չպետք է լինի անտեսել կալանքի անհիմն կամ անհամաչափ կիրառման հետևանքները։ Եվ սա պետք է գիտակցի կալանքի միջնորդություն ներկայացնող յուրաքանչյուր դատախազ։ Իսկ առաջիկա դատավարությունները, այդ թվում՝ Գագիկ Ծառուկյանի գործը, իրական լակմուս պետք է լինեն դատական համակարգի և դատավորների համար։
Արդարադատությունը չի սկսվում այն օրը, երբ մարդուն արդարացնում են։ Այն պետք է գործի հենց այն պահին, երբ քննիչը միջնորդություն է ներկայացնում, դատախազը պահանջում է կալանք, իսկ դատավորը որոշում է՝ մարդը պետք է մնա՞ ազատության մեջ, թե՞ զրկվի դրանից։ Որովհետև ուշացած արդարադատությունը հաճախ արդեն չի կարող վերականգնել այն, ինչ ոչնչացվել է անարդարության տարիներին։
«Այլընտրանքային նախագծեր խմբի» անդամ Էլինար Վարդանյան
—
Այն, ինչը ես այդ օրերից տեսել եմ ու նաև հաշվի առնելով դրա իրականացնողի տեսակը ու խառնվածքը, երևում է, որ մարդը ֆանատիկ էր, և իրեն թվում էր, թե ինքը մի հատ մեծ ու կարևոր գործ է անում, երկիր է փրկում։ Այս մասին, այսօր՝ հոկտեմբերի 27–ին, ԱԺ բակում լրագրողների հետ զրույցում նշեց ԱԺ «Հայաստան» խմբակցության պատգամավոր Լևոն Քոչարյանը՝ անդրադառնալով հոկտեմբերի 27–ի ոճրագործության հեղինակ Նաիրի Հունանյանին։
«Մենք շատ ժամանակ նորմալ տրամաբանությամբ փորձում ենք վերլուծել ինչ-որ մարդկանց, որոնք նորմալ հոգեկան վիճակում չեն։ Շատ ժամանակ նաև Նիկոլ Փաշինյանին ենք մենք փորձում նորմալության տիրույթում վերլուծել, որը միշտ չէ, որ իր բացատրությունը ունենում է։
Ինձ մոտ այն տպավորություն է, որ Նաիրի Հունանյանին թվում էր, որ դրանից հետո պետք է ժողովուրդը հավաքվի ու իրեն ողջունի իր այդ արածի համար։ Այսինքն ինքը ֆանատիկ էր, ով իր մտածելով անում էր ինչ-որ կարևոր բան, ինչը իհարկե իրականության մեջ մեր պետականության քայքայման գործառույթ էր։
Կարելի է մյուս հարցը քննարկել, թե ով է իրեն այդ վիճակին հասցրել, ինչ հանգամանքներում է ինքը այդ մտքին եկել։ Շատ ժամանակ մարդ կարող է չմտածի էլ, որ դա անում է ինչ-որ մեկի թելադրանքով։ Այսինքն համապատասխան մարդուն գտնում են, որ այդ ֆանատիկ հակումները ունի ու փորձում են դա իրականացնել։ Եթե չեմ սխալվում, ինքը նաև Թուրքիայում է երկար ժամանակ անցկացրել»,–ասաց նա։
—
Հայ դատի կենտրոնական խորհուրդը հրապարակում է “Justice” According to Azerbaijan (Արդարադատություն ըստ Ադրբեջանի) անգլերեն հատուկ զեկույցը՝ Ռուբեն Վարդանյանի դատավարության վերաբերյալ։ Նախկին պետնախարարը Բաքվի ռազմական դատարանի 2026 թ. փետրվարի 17-ի դատավճռով դատապարտվել է 20 տարվա ազատազրկման։
«Զեկույցը նախատեսված է միջազգային լսարանի համար և լրացնում է ՀԴԿԽ-ի կողմից արդեն իսկ տարածված հայերեն ժողովածուին, որն ամբողջությամբ վերահրատարակում է Տարոն Սիմոնյանի՝ «Փաստինֆո»-ում լույս տեսած վերլուծական շարքը։
Զեկույցի հիմնական եզրահանգումները՝
• Դատարանը 14 տարի է նշանակել այնպիսի հանցանքի համար, որի մեղադրանքը երբեք չի առաջադրվել։ Այդ հոդվածը չկա ո՛չ մեղադրական եզրակացության մեջ, ո՛չ էլ մեղավոր ճանաչման մասում։
• Դատավճռում վկայակոչված ավելի քան 2000 դատաբժշկական եզրակացությունից ոչ մեկում Վարդանյանի անունը չկա, և ոչ մի վկա նրա որևէ արարք չի նկարագրում։
• Քաղաքացիական անձին դատել է ռազմական դատարանը։ Միջազգային փաստաբանին մերժվել է մուտքը, իսկ շուրջ 60 նիստերից և ոչ մեկում անկախ միջազգային դիտարկում չի թույլատրվել։
«Դատավճռի հակասությունները բոլորը կարող են ստուգել։ Ռուբեն Վարդանյանը և բոլոր հայ պատանդները պետք է ազատ արձակվեն հիմա»․ Զեկույցի հրապարակման առթիվ նկատել է Հայ դատի կենտրոնական խորհրդի նախագահ Հակոբ Տեր Խաչատուրեանը։
ՀԴԿԽ-ն կոչ է անում անհապաղ և անվերապահ ազատ արձակել Ռուբեն Վարդանյանին և Ադրբեջանում պահվող բոլոր 20 հայ պատանդներին»,- նշված է զեկույցում:
—
Քրեական վարույթի շրջանակում դատախազը հանրային քրեական հետապնդում է հարուցել Ն.Ն.-ի («88» սուպերմարկետների ցանցի սեփականատեր Նարեկ Նալբանդյան–խմբ.) նկատմամբ՝ Քրեական օրենսգրքի 284-րդ հոդվածի 3-րդ մասի 3-րդ կետով (առանձնապես խոշոր չափերի գույքային վնաս պատճառելու նպատակով հակամրցակցային գործունեությունը) և Դ.Ղ.-ի («Սպայկա» ընկերության ղեկավար Դավիթ Ղազարյան–խմբ.) նկատմամբ՝ Քրեական օրենսգրքի 284-րդ հոդվածի 3-րդ մասի 3-րդ կետով (առանձնապես խոշոր չափերի գույքային վնաս պատճառելու նպատակով հակամրցակցային գործունեությունը) և 258-րդ հոդվածի 3-րդ մասի 3-րդ կետով (առանձնապես խոշոր չափերով շորթում):
Այս մասին հայտնում են Դատախազությունից:
—
ՀՀ հակակոռուպցիոն կոմիտեում նախաձեռնված քրեական վարույթի շրջանակում ձերբակալվել է 4 անձ, այդ թվում՝ ԵՊՀ իրավագիտության ֆակուլտետի սահմանադրական իրավունքի ամբիոնի վարիչը և ԵՊՀ պատմության ֆակուլտետի հայոց պատմության ամբիոնի վարիչը: Այս մասին հայտնեցին Հակակոռուպցիոն կոմիտեից:
«ԵՊՀ իրավագիտության ֆակուլտետի սահմանադրական իրավունքի ամբիոնի վարիչը ձերբակալվել է կաշառք ստանալու մեղադրանքով, իսկ ԵՊՀ պատմության ֆակուլտետի հայոց պատմության ամբիոնի վարիչը՝ կաշառք ստանալուն օժանդակելու մեղադրանքով»,- նշեցին կոմիտեից:
Նախաքննության շահերից ելնելով՝ Հակակոռուպցիոն կոմիտեից այլ մանրամասներ չհայտնեցին:
—
PROF. OSHIN KESHISHIAN
Born on November 30, 1934
Prof. Oshin Keshishian, beloved husband, father, grandfather, brother, well-known intellectual, educator, and journalist in our community, passed away on Monday, October 19, 2026, after a short illness in Los Angeles.
Funeral services will be held on Monday, November 2, at 10 a.m. at the St. Leon Armenian Cathedral, located at 3325 N. Glenoaks Blvd. Burbank, CA 91504. Interment will follow at the Grand View Memorial Park, located at 1341 Glenwood Road, Glendale, CA 91201.
He is survived by his:
Wife, Natalia Shalikashvili and daughter, Kevork and Diana Boyajian and children
Daughter, Michael and Knar Solakian and children
Brother, Onnig and Kristine Keshishian
Nephew, Nareg Keshishian
Nephew, Kevork and Taline Keshishian
Nune Gulakhnamian and children
Cousin, Sossy Ashjian-Clrilly and children
Cousin, Viken and Sirvart Mouradian and children
Cousin, Jack and Arsine Megerdichian and children
Cousin, Ani Babayan and family
Noyemi Berberian and family
Berj and Vart Roupinian and children (San Francisco)
Jirair and Meline Roupinian and children (San Francisco)
Shogher Apelian and children
And the entire Shalikashvili, Keshishian, Roupinian,, Solakian, Mouradian, Apelian, Ashjian, Bababyan, Boyajian, Gulakhnamian, Berberian and Megerdichian families, relatives and friends.
In lieu of flowers, donations may be made to Nor Or Charitable Foundation, 1901 Allen Ave., Altadena CA 61001.
—
RITA VORPERIAN
Born in 1938
Rita Vorperian, beloved mother, grandmother, sister and relative, passed away on Tuesday, October 13.
Funeral services followed by interment will be held on Wednesday, October 28, at 9:30 a.m. at the Old North Church (red church) in Hollywood Hills Forest Lawn Memorial Park, located at 6300 Forest Lawn Drive, Los Angeles, CA 90068.
She is survived by her:
Son, Harry Vorperian and Lusine Musayelyan and son, Tadeh
Brother, Hratch and Olga Vorperian
Sister, Salpi and Garo Hagopian
Nephew, Alexander Vorperian
Nieces and Nephews, Maria and Avo Barsoumian and children
Arda and Raffi Karakashian and children
Minas Lourian
Eleeza and Vahan Callan and daughter
Anya Naz Agopian
And the entire Agopian, Lourian, Karakashian, Callan, Musayelyan and Sapsezian families relatives and friends.
In lieu of flowers, donations may be made to:
—
LOS ANGELES — The USC Dornsife Institute of Armenian Studies on Tuesday, November 3 will host the culminating public event of Professor Khachig Tölölyan’s residency at USC. Professor Tölölyan will be joined in conversation by Drs. Talar Chahinian and Sossie Kasbarian, two of the three current co-editors of “Diaspora: A Journal of Transnational Studies.”
The English language conversation will explore how Tölölyan’s own diasporic journey has shaped his intellectual work and contributed to the development of diaspora studies.
The event will take place Tuesday, November 3 at 7 p.m., at USC’s Ronald Tutor Campus Center Room 350.
Parking is available in the USC McCarthy Parking Structure, located at 620 McCarthy Way Los Angeles, CA 90089.
Enter the parking structure off Figueroa Street. Text MCCY to 25023 and follow the instructions to pay for parking. The Tutor Campus Center is about an 8 minute walk from the parking structure, across McCarthy Quad and Alumni Park, and past the Tommy Trojan Statue.
The event is free and open to the public. Click here to RSVP.
—