Ազգային ժողովում 2027 թվականի պետական բյուջեի նախագծի քննարկման ժամանակ ՔՊ խմբակցության պատգամավոր Անդրանիկ Քոչարյանը Քննչական կոմիտեի նախագահ Արթուր Պողոսյանից հետաքրքրվեց բանակում մահվան և ինքնասպանությունների դեպքերի աճի պատճառներով։
Պողոսյանը հայտնեց, որ այդ դեպքերով նախաձեռնված քրեական վարույթներն իր անմիջական վերահսկողության տակ են։ Քննչական կոմիտեն նաև վերլուծում է ինքնասպանությունների պատճառներն ու դրանց նպաստող հանգամանքները։
Նրա խոսքով՝ ուսումնասիրությունների արդյունքում պարզվել է, որ որոշ դեպքերում ինքնասպանության պատճառ կարող էր լինել որոշակի աղանդի անդամակցությունը։ Այս առնչությամբ Պողոսյանը պատրաստվում է նամակ ուղարկել ԱԱԾ տնօրենին։
«Ունենք այդպիսի դեպքեր, երբ կոնկրետ անձը հակված է ինքնասպանության, քարոզում է ինքնասպանության։ Այս վերջին օրինակով անձի վրա դաջվածքներ կան, հոգեբաններն ու մասնագետներն ասում են, որ հենց ինքնասպանության հակված անձինք են նման դաջվածքներ անում»,– նշեց Քննչական կոմիտեի նախագահը։
—
Disclaimer: This article was contributed and translated into English by Anna Tamamian. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/11/04/%d5%ba%d5%b8%d5%b2%d5%b8%d5%bd%d5%b5%d5%a1%d5%b6%d5%a8-%d5%a2%d5%a1%d5%b6%d5%a1%d5%af%d5%b8%d6%82%d5%b4-%d5%ab%d5%b6%d6%84%d5%b6%d5%a1%d5%bd%d5%ba%d5%a1%d5%b6%d5%b8%d6%82%d5%a9%d5%b5%d5%b8%d6%82%d5%b6/