«Եվրոպայի հայկական Միությունների ֆորումի» նախագահ Աշոտ Գրիգորյանը և «Հայ Առաքելական եկեղեցու պաշտպանության» կոմիտեի նախագահության անդամներն իրենց ձայնն են բարձրացնում «Բարգավաճ Հայաստան» կուսակցության նախագահ մեծարգո պարոն Գագիկ Ծառուկյանի անհիմն և հակաօրինական ազատազրկման կապակցությամբ։
«Պարոն Ծառուկյանի անունը հայտնի է որպես Հայ Ազգի մեծ բարերար և մասնավորապես Հայ Առաքելական եկեղեցու հայտնի պաշտպան։ Մեզանից շատերը Հայաստան այցի ժամանակ ծանոթացել են պարոն Ծառուկյանի գործունեությանը և, հատկապես, կառուցած եկեղեցիներին և տեղյակ են առաջինը պաշտոնապես քրիստոնեությունը ընդունած երկրում` Հայաստանում Քրիստոսի արձանը տեղադրելու աշխատանքներին, որի իրականացմանը լծվել է պարոն Ծառուկյանը։
Տեղյակ ենք Հայաստանում նրա կողմից վերականգնված գործարաններին և կառուցած հսկայական քանակով շինություններին։
Մենք տեղյակ ենք, որ Հայաստանի ղեկավարության և կոնկրետ վարչապետի կողմից իրականացվել են ընդդիմության ղեկավարների և ՀԱԵի խոշորագույն ներկայացուցիչների նկատմամբ ռեպրեսիաներ և հակաիրավական գործողություններ, որի արդյունքում այսօր, Եվրոպայում Հայաստանն ընկալվում է որպես հակաժողովրդական պետություն։
Մենք հայտարարում ենք, որ մենք առավել ակտիվ ենք գործելու Հայաստանում անօրինական ճանապարհով ազատազրկված քաղբանտարկյալներին և մասնավորապես պարոն Գագիկ Ծառուկյանին օգնելու, իրավական պաշտպանության և ազատազրկման դեմ պայքարում արդյունքի հասնելու հարցում»։
ԵՀՄՖ նախագահ Աշոտ Գրիգորյան
«ՀԱԵ պաշտպանության» կոմիտեի նախագահության անդամներ
Յան Չարնոգուրսկի (Սլովակիայի նախկին վարչապետ )
Ֆրանտիշեկ Միկլոշկո
(Սլովակիայի Ազգային խորհրդի նախկին նսխագահ)
Պավել Հրուշովսկի
(Սլովակիա Ազգային խորհրդի նախկին նախագահ)
—
Disclaimer: This article was contributed and translated into English by Dabaghian Diana. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/10/16/%d5%a5%d5%be%d6%80%d5%b8%d5%ba%d5%a1%d5%b5%d5%b8%d6%82%d5%b4-%d5%b0%d5%a1%d5%b5%d5%a1%d5%bd%d5%bf%d5%a1%d5%b6%d5%b6-%d5%a8%d5%b6%d5%af%d5%a1%d5%ac%d5%be%d5%b8%d6%82%d5%b4-%d5%a7-%d5%b8%d6%80%d5%ba/