Այս տարի լրանում է Երևանի Հանրապետության հրապարակի կառուցման մեկնարկի 100-ամյակը։ Խորհրդանշական այս տարում նախատեսվում է նաև հրապարակի շատրվանների համալիր արդիականացում։
Շուրջ 20 տարի անց շատրվանների տեխնիկական համակարգերը զգալիորեն մաշվել են, իսկ դրանց հնարավորությունները՝ սահմանափակվել։ Գործող համակարգը չի ապահովում ժամանակակից ջրային, լուսային և ձայնային էֆեկտների լիարժեք կիրառություն, իսկ երաժշտական ծրագրի թարմացումը տեխնիկապես դժվար է։
Նոր նախագծի շրջանակում շատրվանների տեխնիկական համակարգերն ամբողջությամբ կարդիականացվեն՝ միջազգային երկարամյա փորձ ունեցող ֆրանսիական Aquatique Show International ընկերության ներգրավմամբ։
Արդյունքում կստեղծվեն ժամանակակից ջրային, լուսային և ձայնային նոր հնարավորություններ, իսկ շատրվանների ծրագիրը հնարավոր կլինի պարբերաբար թարմացնել՝ ներկայացնելով նոր շոուներ և բովանդակություն։
Այսպիսով, Հանրապետության հրապարակի շատրվանները կստանան նոր տեխնիկական հնարավորություններ՝ պահպանելով իրենց կարևոր տեղն ու դերը Երևանի գլխավոր հրապարակի կերպարում։
—
Disclaimer: This article was contributed and translated into English by Emil Lazarian. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/10/07/%d5%a5%d6%80%d6%87%d5%a1%d5%b6%d5%ab-%d5%b0%d5%a1%d5%b6%d6%80%d5%a1%d5%ba%d5%a5%d5%bf%d5%b8%d6%82%d5%a9%d5%b5%d5%a1%d5%b6-%d5%b0%d6%80%d5%a1%d5%ba%d5%a1%d6%80%d5%a1%d5%af%d5%ab-%d5%a5%d6%80%d5%a3/
