Նիկոլ Փաշինյանը դատական հայց է ներկայացրել «Ուժեղ Հայաստանի» պատգամավոր Էդգար Ղազարյանի դեմ: Այս մասին տեղեկանում ենք Դատալեքս տեղեկատվական հարթակից: Նա պահանջում է հերքել իր հասցեին հնչեցրած զրպարտություն համարվող փաստացի տվյալները, ինչպես նաև բռնագանձել Ղազարյանից 6 միլիոն դրամ՝ որպես փոխհատուցման գումար։
Մասնավորապես, Փաշինյանը հայցադիմումով պահանջում է հերքել Ղազարյանի՝ 2026 թվականի սեպտեմբերի 27-ի հարցազրույցում հնչեցրած այն տեղեկությունը, թե 2020թ.-ի հոկտեմբերի 6-ից հետո Ադրբեջանի առաջխաղացումը և պաշտպանական բնագծի ճեղքումը սկսվել են այն բանից հետո, երբ Նիկոլ Փաշինյանը մեկնել է Ստեփանակերտ, այնտեղ խորհրդակցություն անցկացրել հրամանատարաշտաբային կետում, վերադարձել և սկսել է թշնամուն ուղիղ տեղեկություններ տալ։
Փաշինյանը պահանջում է, որ հերքումը չպարունակի Ղազարյանի կամ որևէ երրորդ անձի լրացուցիչ մեկնաբանություն և սահմանափակվի բացառապես հերքման տեքստով։
Հայցը հոկտեմբերի 1-ին մակագրվել է Երևանի ընդհանուր իրավասության քաղաքացիական դատարանի դատավոր Մարինա Տաշչյանին։
—
Disclaimer: This article was contributed and translated into English by Jagharian Tania. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/10/03/%d6%83%d5%a1%d5%b7%d5%ab%d5%b6%d5%b5%d5%a1%d5%b6%d5%a8-%d5%a4%d5%a1%d5%bf%d5%a1%d5%af%d5%a1%d5%b6-%d5%b0%d5%a1%d5%b5%d6%81-%d5%a7-%d5%b6%d5%a5%d6%80%d5%af%d5%a1%d5%b5%d5%a1%d6%81%d6%80%d5%a5%d5%ac/