Հոկտեմբեր 1, 2026
44–օրյա պատերազմի մասին ասելու նոր բան չկար, դրա համար սեպտեմբերի 27–ին չենք անդրադարձել։ Այդ մասին ՀՀ կառավարության նիստից հետո` ճեպազրույցի ժամանակ հայտարարեց Նիկոլ Փաշինյանը` անդրադառնալով այն քննադատություններին, որ ՀՀ իշխանություններն այդ օրը քար լռություն են պահպանել, բացի այդ` Հանրային հեռուստաընկերության եթերում Թաթայի համերգն է հեռարձակվել։
«Սեպտեմբերի 27-ի մասին 5 տարի շարունակ խոսել ենք, նորություն չկա, որի մասին չենք խոսել։ Մեր պատմության մեջ էլի շատ օրեր կան, որոնց մենք չենք անդրադառնում։ Սեպտեմբերի 27-ին անդրադարձ չենք կատարել, քանի որ 44–օրյա պատերազմի մասին որևէ նոր բան չկա ասելու»,- հայտարարեց Փաշինյանը։
Նրա խոսքով՝ Հանրային հեռուստաընկերության կողմից եղել է անպատեհություն` համերգ հեռարձակելով, սակայն արդյոք հեռարձակած բոլոր համերգների օրերին տասնյակ զոհեր չենք ունեցել։
«Շուտով նաև նոյեմբերի 9–ն է գալու… Ուզում եմ հասկանալ` 10 տարի անց սեպտեմբերի 27–ին հնարավոր է համերգ հեռարձակե՞լ, թե՞ ոչ։ Եթե մենք մեր պատմությանն առերեսվենք, ապա մեր բոլոր 365 օրերը մեծ ողբերգություններով նշանավորված են»,– վստահ է նա։
Նրան դուր չի եկել նաև այն, որ ամեն անգամ, երբ գնում են Եռաբլուր, զոհվածների ծնողները փորձում են փակել նրանց ճանապարհը` թույլ չտալով մուտք գործել ու ծաղիկներ խոնարհել։
«Ամեն անգամ գնանք նման տեսարանների բախվե՞նք Եռաբլուրում»,- դժգոհեց նա։
Փաշինյանի խոսքով` սեպտեմբերի 27–ին նա իր գործողություններով ցույց է տվել վերաբերմունք` գնացել է պատարագ, որտեղ նաև հոգեհանգստի կարգ է կատարվել։
—
Disclaimer: This article was contributed and translated into English by Yeghisabet Arthur. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/10/02/10-%d5%bf%d5%a1%d6%80%d5%ab-%d5%b0%d5%a5%d5%bf%d5%b8-%d5%bd%d5%a5%d5%ba%d5%bf%d5%a5%d5%b4%d5%a2%d5%a5%d6%80%d5%ab-27-%d5%ab%d5%b6-%d5%af%d5%a1%d6%80%d5%a5%d5%ac%d5%ab%d5%9e-%d5%a7-%d5%b0%d5%a1%d5%b4/