«Բարգավաճ Հայաստան» կուսակցության նախագահ Գագիկ Ծառուկյանն այսօր դարձյալ տեղափոխվել էՔննչական կոմիտե՝ հարցաքննության: Այդ մասին VERELQ–ի հետ զրույցում ասաց ԲՀԿ առաջնորդի խոսնակ Իվետա Տոնոյանը։
«Ծառուկյանի մասնակցությամբ քննչական գործողություններ են կատարվում իրանցի գործարարների գործով, ովքեր վարույթով տուժող են ճանաչված»,- տեղեկացրեց Տոնոյանը:
VERELQ-ը հիշեցնում է, որ իրավապահները ԲՀԿ առաջնորդին մեղադրում են իրանցի գործարարներից մոտ 22 միլիոն դոլարի գույք և դրամական միջոցներ հափշտակելու և փողերի լվացման համար: Ըստ Քննչական կոմիտեի՝ «Մուլտի Գրուպ Կոնցեռն»-ի նախկին գլխավոր տնօրեն, տնօրենների խորհրդի նախագահ Սեդրակ Առուստամյանն ու Արթուր Դալլաքյանն օժանդակել են Ծառուկյանին:
Պաշտպանական կողմը պնդում է, որ Գագիկ Ծառուկյանին առաջադրված մեղադրանքներն իրականության հետ որևէ կապ չունեն և չեն արտացոլում օբյեկտիվ իրականությունը:
—
Disclaimer: This article was contributed and translated into English by Chatinian Lara. While we strive for quality, the views and accuracy of the content remain the responsibility of the contributor. Please verify all facts independently before reposting or citing.
Direct link to this article: https://www.armenianclub.com/2026/09/26/%d5%a3%d5%a1%d5%a3%d5%ab%d5%af-%d5%ae%d5%a1%d5%bc%d5%b8%d6%82%d5%af%d5%b5%d5%a1%d5%b6%d5%b6-%d5%a1%d5%b5%d5%bd%d6%85%d6%80-%d5%b0%d5%a1%d6%80%d6%81%d5%a1%d6%84%d5%b6%d5%b6%d5%be%d5%a5%d5%ac-%d5%a7/