«Պրեսսինգ» հաղորդաշարի եթերում քաղաքական վերլուծաբան Հակոբ Բադալյանը խոսեց նաև արժեքների փոփոխության մասին:

«Երբ սովորական մարդը թքած ունի՝ Արցախը կա՞, թե՞ չէ, կարևորը՝ նախկինները կալանավորվում են, ու ինչ-որ տեղից փող է գալիս, ուրեմն մենք ինչ-որ տեղ խոշոր բացթողում ենք ունեցել: Սա մեծագույն խնդիր է: Մարդկային այդ տեսակը աղբ չէ, այլ մեր օրգանիզմի մի մասն է, որը պետք է բուժել: Օրգանիզմն այնքա՜ն հիվանդ է:

Երեք տասնամյակ պետական էլիտա եղածներն այս մասին պետք է մտածեին՝ ունենալով մեր միջավայրային ռիսկերը: Չի եղել պետության օրակարգում այն հարցը, թե ինչպիսի սովորական մարդ ենք ուզում ունենալ մենք: Եվ սա մեծագույն բաց է, սա վերածվել է մեծագույն հանքի, որն արդյունահանում են անդադար, ու դեռ չի սպառվում»,- ասաց Հակոբ Բադալյանը:

Մանրամասները՝ տեսանյութում:

—