X
    Categories: News

Verelq: Մեկ օրում զենքի երեք թաքստոց․ Շիրակում զինանոց է հայտնաբերվել

Ոստիկանության տարածքային ստորաբաժանումների ծառայողների կողմից հետևողականորեն իրականացվող միջոցառումների և բացատրական աշխատանքի շնորհիվ շարունակվում են ապօրինի պահվող զենք-զինամթերքի կամավոր հանձնումները:


ՆԳՆ ոստիկանության փոխանցմամբ՝ քրեական ոստիկանության Շիրակի մարզային վարչության ծառայողների բացատրական աշխատանքի արդյունքում նոյեմբերի 18-ին ՆԳՆ 112 օպերատիվ կառավարման կենտրոն զանգած քաղաքացին հայտնել է, որ Գյումրի քաղաքի Մարմաշեն խճուղուց Աշոցք թաղամաս տանող ճանապարհին զենք-զինամթերք է թողել։


Քաղաքացու նշած վայրում քրեական ոստիկանները հայտնաբերել են «ԱԿ-74» տեսակի ինքնաձիգ, «ՏՕԶ» տեսակի մեկփողանի որսորդական հրացան, նռնակի 14 պայթուցիչ,


ծխահան և տարբեր տրամաչափի փամփուշտներ։


Ապօրինի պահվող զենք-զինամթերքի կամավոր հանձնման դեպք է գրանցվել նաև Համայնքային ոստիկանության Կումայրիի բաժնի ծառայողների բացատրական աշխատանքի արդյունքում։


Օպերատիվ կառավարման կենտրոն զանգած քաղաքացին զենք-զինամթերք էր թողել Գյումրիի գերեզմանատան հարակից կիսաքանդ շինության մոտ, որտեղ էլ համայնքային ոստիկանները հայտնաբերել են թմբուկավոր և գազային ատրճանակներ, նռնակ, ինքնաձիգի պահեստատուփ՝ 3 փամփուշտով, տարբեր տրամաչափի 68 փամփուշտ և ծխահան։


Զենք-զինամթերքի կամավոր հանձնման հերթական դեպքն է գրանցվել Համայնքային ոստիկանության Ամասիայի բաժնի ծառայողների բացատրական աշխատանքի արդյունքում։


Նոյեմբերի 18-ին ՆԳՆ օպերատիվ կառավարման կենտրոն զանգած քաղաքացին զենք-զինամթերք էր թողել Ամասիա-Բանդիվան ճանապարհի հարակից մատուռի մոտ։


Համայնքային ոստիկանները նշված վայրում հայտնաբերել են «Մակարով» տեսակի ատրճանակ, նռնակ, նռնակի պայթուցիչ և փամփուշտներ։


ՆԳՆ ոստիկանությունը հորդորում է քրեական պատասխանատվությունից խուսափելու համար կամավոր հանձնել ապօրինի պահվող զենք-զինամթերքը։

—

Emil Lazarian: “I should like to see any power of the world destroy this race, this small tribe of unimportant people, whose wars have all been fought and lost, whose structures have crumbled, literature is unread, music is unheard, and prayers are no more answered. Go ahead, destroy Armenia . See if you can do it. Send them into the desert without bread or water. Burn their homes and churches. Then see if they will not laugh, sing and pray again. For when two of them meet anywhere in the world, see if they will not create a New Armenia.” - WS
Related Post