Նոյեմբեր 16, 2026
168TV-ի «Թրիգեր» հաղորդաշարի հյուրը «APRI-Հայաստան» գիտահետազոտական կենտրոնի փորձագետ, պատմական գիտությունների թեկնածու, միջազգայնագետ, իսրայելագետ Սերգեյ Մելքոնյանն է:
Հաղորդման ընթացքում քննարկվել են Իրանի շուրջ ստեղծված արդի իրավիճակը՝ Մերձավոր Արևելքում լարվածության սրման, տարածաշրջանում ԱՄՆ-ի ռազմական ներկայության և հետագա էսկալացիայի հնարավոր հետևանքների համատեքստում։
Առանձին ուշադրություն է դարձվել Իսրայելում և ԱՄՆ-ում կայացած ընտրությունների արդյունքների ազդեցությանը Մերձավոր Արևելքում ստեղծված իրավիճակի և տարածաշրջանային գործընթացների հետագա զարգացման վրա։
Անդրադարձ է կատարվել նաև հայ-ռուսական հարաբերություններին, ԵԱՏՄ-ի և ՀԱՊԿ-ի շրջանակներում հետագա համագործակցության հեռանկարներին, ինչպես նաև Հայաստանի արտաքին քաղաքական կուրսում հնարավոր փոփոխություններին։
Առանձին քննարկման թեմա են դարձել հայ-ադրբեջանական հարաբերությունները՝ Ադրբեջանի և Թուրքիայի ռազմավարական համագործակցության համատեքստում, տարածաշրջանային հաղորդակցությունների ապաշրջափակման հեռանկարները և իրավիճակի հետագա զարգացման հնարավոր սցենարները։
Քննարկվել են նաև Հայաստանի՝ թյուրքական տարածքին ինտեգրվելու հեռանկարները, գործող միջազգային միություններից երկրի հնարավոր դուրս գալու հարցը և չեզոք կարգավիճակի պահպանման հնարավորությունը։
Հայկ Դերզյան
—