Հայաստանի առաջատար գրոսմայստեր Հայկ Մարտիրոսյանը հաղթանակ է տարել աշխարհի 16-րդ չեմպիոն, նորվեգացի Մագնուս Կարլսենի նկատմամբ։

Հունգարիայի մայրաքաղաք Բուդապեշտում ընթացող «Total Chess World Championship Tour Pilot 2026» մրցաշարի խմբային փուլի երրորդ խաղափուլի առաջին պարտիայում Հայաստանի առաջատար գրոսմայստեր Հայկ Մարտիրոսյանը սպիտակ խաղաքարերով հաղթանակ է տարել աշխարհում ամենաբարձր վարկանիշ ունեցող Մագնուս Կարլսենի նկատմամբ։

Հայ գրոսմայստերը պարտության է մատնել համաշխարհային դասակարգման առաջատարին 41-րդ քայլում։

Մրցաշարի 6-րդ տուրում Հայկ Մարտիրոսյանն ու Մագնուս Կարլսենը կրկին կմրցեն՝ այս անգամ պատասխան պարտիայում։