Հոկտեմբեր 16, 2026
Էդուարդ Շարմազանովը ֆեյսբուքյան իր էջում գրում է. «Նահանջ երգով…
Փաստորեն, ըստ Արարատ Միրզոյանի, հայ-ռուսական հարաբերությունները եղբայրական են։
Ես միայն ուրախ կլինեմ, երբ հայ-ռուսական կապերն իրապես եղբայրական լինեն, քանի որ դա բխում է ՀՀ շահերից։
Բայց այդ դեպքում ինչո՞ւ էր ՔՊ-ն հայտարարում ՌԴ-ի կողմից մղվող «հիբրիդային պատերազմի» մասին։
ՔՊ-ի անդամներն էին համարում ՌԴ-ն ՀՀ -ի ինքնիշխանության սպառնալիք։
ՔՊ-ի առաջնորդն էր, ըստ էության, ռուսական ռազմական ներկայությունը մտահոգիչ համարում:
Բա եթե եղբայրական են հարաբերությունները, ինչո՞ւ էիք հակառուսական հիստերիա գեներացնում ու ընդդիմադիրներին «ռուսի շպիոն» պիտակավորում։
Թե՞ հերթական անգամ իրավիճակ փոխվեց»:
—