Հարգելի՛ գործընկեր,
Սեպտեմբերի 30-ին՝ ժամը 15։00-ին, իրանցի մեծ բանաստեղծ և մտածող Մոլանայի՝
Ջալալ ադ-Դին Մուհամմադ Բալխիի մեծարման օրվա հետ համահունչ, Երևանի պետական
համալսարանի արևելագիտության ֆակուլտետի Ֆիրդուսու անվան լսարանում տեղի կունենա
«Իսլամական հեղափոխության գրականություն» ուսումնասիրության հայերեն թարգմանության
շնորհանդեսը։
Գիրքը հայերեն է լույս տեսել ՀՀ-ում Իրանի Իսլամական Հանրապետության
դեսպանության մշակույթի կենտրոնի և ԵՊՀ արևելագիտության ֆակուլտետի իրանագիտության
ամբիոնի համագործակցության շրջանակում։
Աշխատությունն անդրադառնում է Իրանի ժամանակակից գրականության անքակտելի մասը
կազմող իսլամական հեղափոխության գրական շրջանին, Իրանի մշակութային և ազգային
ինքնության ձևավորման կարևոր բաղադրիչներին, դրանց գաղափարական և գոյաբանական
հիմքերին, ինչպես նաև շիայական կենսափիլիսոփայության դերին Իրանի ազգային
ինքնության համատեքստում։
Գրքի հայերեն թարգմանությունը կատարել է ԵՊՀ իրանագիտության ամբիոնի դոցենտ,
բանասիրական գիտությունների թեկնածու Գառնիկ Գևորգյանը։
📅Սեպտեմբերի 30
🕒Ժամը՝ 15։00
📍ԵՊՀ արևելագիտության ֆակուլտետ, Ֆիրդուսու անվան լսարան
Սիրով հրավիրում ենք Ձեզ մասնակցելու միջոցառմանը։
—